ب گوژمێ پتر ژ ترلیۆن دیناران پڕۆژەیێن رێك و پران هاتینە بجهئینان

دهۆك، لەزگین جۆقی:

جێگرێ رێڤەبەرێ گشتیێ رێك و پران و ئاڤەدانكرنێ و ئاكنجیبوونێ ل پارێزگەها دهۆكێ راگەهاند، د كابینەیا نەهێ یا حكومەتا هەرێما كوردستانێ دا، گرنگیەكا مەزن ب چێكرن و سەخبێریا جادەیان هاتیەدان و دبێژیت: ب گوژمێ ترلیۆن دیناران كار د وارێ رێك و پران دا ل پارێزگەها دهۆكێ هاتیە كرن.
رێدیر سلێمان، جێگرێ رێڤەبەرێ گشتیێ رێك و پران و ئاڤەدانكرنێ و ئاكنجیبوونێ ل پارێزگەها دهۆكێ بۆ رۆژناما ئەڤرۆ دیار كر، د كابینەیا نەهێ یا حكومەتا هەرێما كوردستانێ‌ دا ب گوژمێ پتر ژ ترلیۆن دیناران پڕۆژە د وارێ رێك و پران هاتینە چێكرن و گۆت: «ب گوژمێ پتر ژ 550 ملیار دیناران پڕۆژە تمامبووینە و كەفتینە د خزمەتا وەلاتیان دا، ئەڤ پڕۆژە هەمەجۆر بووینە، ژ وانا ژی: چێكرنا جادە و گەلەك پڕۆژەیێن جۆتسایدان ژی هاتینە چێكرن، هەروەسا نوكە ب گوژمێ پتر ژ 450 ملیار دیناران پڕۆژەیێن رێك و پران د وارێ بجهئینانێ دانە».

کۆمێنتا تە