ب گوژمێ پتر ژ ملیار دیناران قوتابخانەكا 18 رێزی ل دینارتە دهێتە دروستكرن
رەمەزان زەكەریا:
حكومەتا هەرێما كوردستانێ، ب تایبەت كابینەیا نەهێ گرنگی ب كەرتێ پەروەردە و فێركرنێ دایە و قوتابخانەكا 18 ڕێزی بۆ دەڤەرا دینارتە دهێتە چێكرن و كار ل سەر دهێتە كرن.
نەعمان سەلیم خان، سەرۆكێ باژێرڤانیا دینارتێ بۆ ئەڤرۆ گۆت: “كابینەیا نەهێ یا حكومەتا هەرێما كۆردستانێ گرنگیەكا باش ب كەرتێ پەروەردە و فێركرنێ ل دەڤەرا مە دایە، نوكە ب گوژمێ ملیارەك و 765 ملیۆن دیناران قوتابخانەكا 18 ڕێزی ل سەنتەرێ ناوچەداریا دینارتە دهێتە دروستكرن”.
ناڤبری گۆتژی: قوتابخانە ل ناوچەداریا دینارتە هەنە بەلێ، تێرا وێ هژمارا زۆرا قوتابیان نەدكر، و گڤاشتنەكا مەزن ل سەر قوتابخانەیان هەیە، بەلێ پشتی ئەڤ قوتابخانا 18 رێزی دهێتە دروستكرن دێ وێ گڤاشتنێ ل سەر قوتابخانەیان كێم كەت”.
