ب گوژمێ پتر ژ 10 ملیار دیناران پڕۆژە ل ناوچەداریا خانكـێ هاتینە ئەنجامدان
دهۆك، لەزگین جوقی:
رێڤەبەرێ ناوچەداریا خانكێ بۆ رۆژناما ئەڤرۆ دیار كر، پشتی خانكێ بوویە ناوچەداری، حكومەتا هەرێما كوردستانێ ب گوژمێ پتر ژ 10 ملیار دیناران 16 پڕۆژەیێن خزمەتگوزاری ل ناوچەداریا خانكێ ئەنجام داینە.
زەرەدشت شێخ شامۆ، رێڤەبەرێ ناوچەداریا خانكێ گۆت: «پشتی ل سالا 2022ێ خانكێ بوویە ناوچەداری و هەتا نوكە ب گوژمێ پتر ژ 10 ملیار دیناران پڕۆژەیێن خزمەتگوزاری هاتینە چێكرن، هندەك ژ وان پڕۆژەیان تەمامبووینە و كەفتینە د خزمەتا خەلكی دا و كار ل سەر هندەك پڕۆژەیان ژی بەردەوامە، دیسا پتریا جادەیێن ناوچەداریێ هاتینە چێكرن».
گۆتژی: «پێخەمەت پتر خزمەتكرنا وەلاتیان، حكومەتا هەرێما كوردستانێ بەردەوام پڕۆژەیێن خزمەتگوزاری ل سنۆرێ ناوچەداریێ ئەنجام ددەت».
