ب گوژمێ چار ملیار دیناران پڕۆژەیێن ئاڤێ ل ئاكرێ دهێنە بجهئینان
رەمەزان زەكەریا
ل سنوورێ دەڤەرداریا ئاكرێ و دەوروبەران ب گوژمێ چار ملیار دیناران پڕۆژەیێن ئاڤێ دهێنە بجهئینان.
ئەندازیار زرار ئەحمەد، رێڤەبەرێ ئاڤا ئاكرێ بۆ ئەڤرۆ گۆت: «ل سنوورێ دەڤەرداریا ئاكرێ هژمارەكا پڕۆژەیێن ئاڤێ د قووناغا بجهئینانێ دانە و هندەك ژ وان 50% تەمام بووینە، هندەك ژی كار ل سەر دهێتە كرن».
ناڤبری گۆتژی: «پڕۆژێ ئاڤا قەندیل بۆ ئاكرێن كو ئێك ژ پڕۆژەیێن ستراتیژیێن حكومەتا هەرێما كوردستانێ یە، نوكە كار ل سەر بەردەوامە، ل دووڤ پلان و بەرنامەیێ هاتیە دانان، كێمتر ژ 14 مەهێن دی دێ ئاڤ گەهیتە سەنتەرێ ئاكرێ و ناوچەداریا بجیل و 21 گوندان بڤێ ئێكێ ژی دێ ئاریشەیا كێم ئاڤیێ چارەسەر بیت».
ئەندازیار زرار زێدەتر گۆتژی: «حكومەتا هەرێما كۆردستانێ، ب تایبەت كابینەیا نەهێ، گرنگیەكا باش ب كەرتێ ئاڤێ و چاندنێ دایە، د كابینەیا نەهێ دا، هەتا نوكە نێزیكی هەشت ملیار دیناران بۆ كەرتێ ئاڤا ئاكرێ هاتینە مەزاختن و پڕۆژە كەفتینە د خزمەتا ولاتیان دا».
