ب گوژمێ 10 ملیار دیناران جادەیەك ل شێخان دێ هێتە چێكرن
دهۆك، لەزگین جۆقی:
دەڤەردارێ شێخان بۆ رۆژناما ئەڤرۆ دیار كر، رازیبوون ل سەر پڕۆژەیێ نووژەنكرن و بەرفرەهكرنا جادەیا نەهەدار بۆ زالگەها باعەدرێ هاتیە كرن، كو جادەكا سەرەكییە و هەمی دوبارە دێ هێتە چێكرن.
سەردار یەحیا، دەڤەردارێ شێخان گۆت: «رازیبوون ل سەر چێكرنا پڕۆژەیێ جادەیا سەرەكی یا نەهەدار هەتا زالگەها باعەدرێ هاتیە كرن، ئەڤ جادە سەنتەرێ شێخان و باعەدرێ و دهۆكێ پێكڤە گرێ ددەت و ب درێژاهیا 10 كیلۆمەتران و ب گوژمێ 10 ملیار دیناران جادە دێ هێتە چێكرن».
گۆتژی: «جادە دێ هێتە بەرفرەهكرن و نووژەنكرن و دێ بیتە ئەگەر كو قەرەبالغیا ترۆمبێلان نەمینیت».
