ب گوژمێ 16 ملیار دیناران پڕۆژە ل ئاكرێ و بەردەڕەشێ دێ هێنە بجهئینان
پارێزگارێ دهۆكێ ئاشكرا كر، مەسرور بارزانی، سەرۆكێ حوكمەتا هەرێما كوردستانێ رازیبوون ل سەر بجهئینانا هەژمارەكا پڕۆژەیێن خزمەتگوزاری ل سنوورێ هەردو دەڤەرداریێن ئاكرێ و بەردەڕەشێ ب گوژمێ 16 ملیۆن و 196 ملیۆن دیناران كر.
د. عەلی تەتەر، پارێزگارێ دهۆكێ دوهی 22/9/2024 راگەهاند، د چارچوڤێ بەردەومیا بەرنامەیێ حوكمەتا هەرێما كوردستانێ دا، مەسرور بارزانی، سەرۆكێ حوكمەتا هەرێما كوردستانێ رازیبوو، هەژمارەكا پڕۆژەیان ل دەڤەرداریێن ئاكرێ و بەردەڕەشێ ب باژێر و كۆمەلگەه و گوندێن وانڤە بهێنە بجهئینان.
د. عەلی تەتەر دیار كر ژی بۆ بەرەڤ پێشڤەبرن و باشتركرنا كەرتێ ساخلەمیێ رازیبوون ل سەر هەژمارەكا پڕۆژەیان ب گوژمێ ملیارەك و ٢٧٢ ملیۆن دیناران بۆ رێڤەبەرییا گشتییا ساخلەمییا پارێزگەها دهوكێ هاتەدان.
