ب گۆژمێ پتر ژ پێنج ملیار دیناران پرۆژێن كارهبێ ل دهۆكێ دهێنه بجهئینان
ئهڤرۆ:
وهزارهتا كارهبێ یا حوكمهتا ههرێما كوردستانێ ب گۆژمێ ملیارهك و 670 ملیۆن دیناران پرۆژێ راكێشانا هێلێن كارهبێ ل سنوورێ پارێزگهها دهۆكێ دهێته بجهئینان. بۆ
وهزارهتا كارهبا حوكمهتا ههرێما كوردستانێ دیار كر، ئهو پرۆژێن دهێنه بجهئینان دكهڤنه ئیدارا سهربخوه یا زاخۆ، دهڤهرداریا بهردهرهش، ناوچهداریا قهسرۆك، دارهتۆ، شاریا و شێلادزێ.
وهزارهتێ ئاماژه ب وێ چهندێ ژی كریه كو ئهڤ پرۆژه تمامهتیا پرۆژێن بهری نوكهیه یێن وهزارهتا كارهبێ كو د ئهڤ ساله دا ب گۆژمێ پتر ژ پێنج ملیار دیناران پرۆژێن خزمهتگۆزاری بۆ پارێزگهها دهۆكێ رهوانهی بجهئینانێ كرینه و ل پرۆژێ دانانا ویستگهها موبایلا كارهبا شێلادزێ گۆژمێ ملیارهك و 400 ملیون دینار بۆ هاتینه تهرخانكرن.
