ب گۆژمێ 30 ملیۆن دۆلارا حه‌بێن ترامادۆل هاتنە ژناڤبرن
ئه‌ڤرۆ نیۆز،عه‌زیز ره‌سول هه‌ورامانی:
به‌رپرسێن ئه‌منی و نۆشداری یێن سلێمانیێ ماددێن هۆشبه‌ر ب مه‌ترسی بۆ سه‌ر جڤاکی د‌زانن و مه‌ترسیێن وان ژ یێن داعشێ زێدەترن.
رێڤەبەری ماددێن هۆشبەر ل سلێمانیێ بۆ ئه‌ڤرۆ نیۆز گوت: 810 کارتۆنێن حەبێن ترامادۆل کو بهایێ وان ب ۳۰ ملیۆن دۆلارا دهێتە خەملاندن هاتنە سوتن،ئەڤەژی پشتی هندێ دهێت کو ل چەند رۆژێن بوری دا برێیا هێزێن ئاسایشێ دەست ب سەر برەکا زۆر یا حەبێن قەدەغەکری دا هاتە گرتن.
سه‌رۆكێ لیژنا ژناڤبرنا ماددێن كحولی بۆ ئه‌ڤرۆ نیۆز گۆت:هاتنا ڤان جۆرە دەرمانان ب کێشەیەکا مەزن بۆ ئاسایشا جڤاکی و خێزانێ ب ناڤ دکەت.
ئەوژی گۆتیه:لایەنێن پەیوەندیدار دبێژن مامەلەکرن ل گەل ڤان کەیساندا وەک مامەلەکرنە ل گەل پرسا تیرۆرێ و هەموو ب ئێک تیم دێ روو ب روو ڤێ مەترسیا مەزن بن،هەروەسا ل هەشت هەیڤێن بوری دا ۱٤۰ کەس هاتینە دەستگیرکرن،کو هندەک ژ وان هاتینە سزادان و وهندەکێن دی ژی چاڤەرێی دادگەهکرنێنە.
