ب ھێجەتا گەریانێ کوشت

ئه‌ڤرۆ نيوز:

پارێزەرەکێ دادگەھا دھۆکێ راگەھاند، کو دو سنێلە و گەنجەک رابوون ب کوشتنا سنێلەکی بێ گونەە، دادگەھا تاوانا ل دووڤ مادێ 406 ێ دو ژ ڤان تاوانبارا سزادان تاوانبارێ گەنج کو ژیێ وی د سەر 20 سالیێ دایە سزایێ سێدارەدانێ دانا سەر، تاوانبارێ دیتر یێ سنێلە ژیێ وی دبن 18 سالیێ دا سزایێ ھەتا ھەتایێ دانا سەر.
پارێزەر عەبدولقادر تەیمور ل دادگەھا دھۆکێ بۆ ئەڤرۆ دیارکر کو ل قەزایەکا سەر ب پارێزگەھا دھۆکێ ڤە دو سنێلە و گەنجەک رابوون ب کوشتنا سنێلەکی و گۆت: ئێک ژ ڤان تاوانباران دچوو د رێیا کچەکا سنێلەدا، ھەڤالەکێ وێ ل قوتابخانێ زانی گۆتە ڤی تاوانباری ئیزعاجا ڤێ کچێ نەکە مرۆڤا منە، ئەو ژی تورە بۆ چوو گۆتە ھەڤالێن خوە یێن تاوانبار ل گەل وی ھەڤالەکێ وان یێ مەزن ژیێ وی د سەر 20 سالیێ دا بوو پلانەک دانا و گۆتە ھەردو ھەڤالێن خوە یێن سنێلە دێ وی کوژین، رابوون ئەو کورێ ھەڤالێ کچێ کرە ھەڤالێ خوە و چەرەز و نەستەلە و کێک کرین و ل گەلدا ساتور و کنف و کلنس ژی بوون و چوونە ئاقاری ل وێرێ ھەر سێ تاوانبارا پلانا کوشتنێ بجھئینا تاوانبارەکێ سنێلە کنف ئێخستە حەفکا وی کوری دا بخەندقیت و تاوانبارێ مەزن ساتور دانانێ و کوشت و تەرمێ وی ھێلا ل وێرێ و زڤرین نێزیکی نەە رۆژان بورین کەسێ نەزانی، گۆتژی پاشان تەرمێ وی سنێلەی ھاتە دیتن و ڤەگوھاستن بۆ پزیشکا داد بۆ زانینا ئەگەرێ مرنا وی، پولیسان دوڤچوون کر دو تاوانبار ژ وانا گرتن، بەلێ ئەو بۆ ماوێ دو ھەیڤان بۆ ڤەکۆلین ل گەل دکرن دانپێدان ب تاوانا خوە نە د کر، دادگەھێ ژی کەیسا وان داخست. زێدەتر گۆت: پشتی چەند ھەیڤان ھەر گومان ل سەر ڤان تاوانباران بۆ و ئەز وەکو پارێزەرێ سنێلێ بێ گونەە ھاتیە کوشتن جارەکا دی من داخازا مافێ وی کر ھەتا ڤان ھەر سێ تاوانبارا ل بەرامبەری دادگەھا تاوانا دانپێدان ب تاوانا خوە کر، پارێزەر عەبدولقادر ئاشکرا ژی کر کو دادگەھا تاوانا ل دووڤ مادێ 406 ێ دو ژ ڤان تاوانباران سزادان تاوانبارێ گەنج کو ژیێ وی د سەر 20 سالیێ دایە سزایێ سێدارەدانێ دانا سەر، تاوانبارێ دیتر یێ سنێلە ژیێ وی دبن 18 سالیێ دا سزایێ ھەتا ھەتایێ دانا سەر، گۆتژی تاوانبارێ دیتر یێ سنێلە دادگەھا وی ھاتە پاشخستن، بەلێ سزایێ وێ کێمتر نابیت ژ 15 سالان چۆنکو ھاریکاریا وان کر بۆ ئەنجامدانا تاوانێ.

کۆمێنتا تە