تاخ
زەكەریا حەمید
دەمێ ل كۆلاناهە ب ڕێڤە دچم..
چاڤێن من پەیادبن..
هەڤڕكییا پێنگاڤێن من دكەن!
دبنە ڕێزان ..
سەركێشییا پیاسا من دكەن،
نە دهێلن بهێنڤەدانەكێ بكەم،
نە ل بن وێ
سیتاڤا سەمتا ڕۆژێ سۆتی
ڕابوەستم!
ژبەر كەڤنە تەڤنێ
ل سەر تێلێن دلی ڤەماین
دترسن جاردن
وان ژی ب هنگڤن،
تژی دیمەنێن تڕاژیدی بكەن!
ل تاخێ هە..
جادە
دار
ناخ
هەمی تشت یێن بەستینە
تنێ گڕنژینا
زارۆكا هە .. و بویكا وێ یا لاستیك
تێنەبیت
ئەو ژی
با .. دگەل پێلێن خۆ
بەرەڤ ئەسمانا دبەت .. و
جار ژی
سەر و سەر ب ئەردی دا د دەت
ل ئالیێ دی یێ تاخی
ژیان یا ل سەر ئاگرەكێ نەرم
مرۆڤ د شەپڕزەنە .. و
هند ژی د لەوچەنە
هەردەڤەكی
دو ئەزمان یێن هەین
ئێك بۆ ئالیستنێ
ئێك ژی بۆ پەرستنێ.!
