تارا رەسۆل سترانەكا هونەرمەند (محەمەد عارف جزیری) دبێژیت
بوهارێ، ئێكە ژ سترانێن هونەرمەند (محەمەد عارف جزیری) ژ لایێ ژمارەكا سترانبێژان ڤە هاتیە گۆتن، هونەرمەندا كورد (تارا رەسۆل)ێ ژی ئەڤ سترانە ب دەنگێ خوە تۆماركریە.
هونەرمەند هەلكەوت زاهر، دبێژیت ئەڤ بەرهەمێ هونەرمەندێ خودێ ژێ رازی (محەمەد عارف جزیری) یێ كو بەری 30 سالان هاتیە بەلاڤكرن ب مۆزیكەكا نوو و ب دەنگێ هونەرمەندا كورد (تارا رەسۆل)ێ دووبارە هاتە گۆتن، بەلێ ژ بەر كو د ناڤ ئەرشیفی دا نەمابوو دووبارە ب مۆزیكەكا نوو هاتە تۆماركرن و بۆ رووداو گۆت: «كارێ بەلاڤكرنا مۆزیكا ڤی بەرهەمی ژ لایێ من ب هاریكاریا (دیار میرزا)ی هاتیە ئەنجامدان و د كەنالێ من یێ تایبەت دا ل یوتیۆبی هاتیە بەلاڤكرن».
هونەرمەند (تارا رەسۆل)ێ ئاشكرا كر كو پشتی وێ ئەڤ بەرهەمە بەلاڤكری دێ چەندین كارێن دی یێن هونەری دگەل هونەرمەند هەلكەوت زاهری ئەنجامدەت و بۆ رووداو گۆت: «نوكە ل گەل هونەرمەند هەلكەوت زاهری كار ل سەر كەڤەركرنا چەند بەرهەمێن كلاسیكێن عەرەبی دكەم كو د جیهانا عەرەبی دا دەنگڤەدانەكا مەزن هەبوویە».
