تارق سه‌عید: یاریزانێن مه به‌ر ب ئاستێ نێڤده‌وله‌تی چووینه. لێ !
ئه‌ڤرۆ،
د دیداره‌كێ دا راهێنه‌رێ تیما پایسكلڤانێن یانا دهۆك و هه‌لبژارتیێ ئیراقێ دیاركر ده‌ستكه‌فتێن یاریزانێن وان د قاره‌مانیێن ڤێ دووماهیێ یێن نێڤده‌وله‌تی و عه‌ره‌بی به‌ر ب قۆناغه‌كا دی چووینه و ل سه‌ر ئاستێ جیهانێ ژی شیانێن مه‌زن هه‌نه بۆ پشكداریا سه‌رفه‌راز، لێ بتنێ پێدڤی ب پشته‌ڤانیێ هه‌نه.
زێده‌تر تارق سه‌عید بۆ رۆژناما ئه‌ڤرۆ گۆت: پێخووشحالین وه‌كو یاریزانێن كورد و پارێزگه‌ها دهۆكێ سه‌ربه‌ست عه‌بدوللا و وه‌هبی سلێمان شیان میدالیێن زیڤی و برۆنزی د دو قاره‌مانیێن جودا ب ده‌ستڤه بینن ئه‌و ژی ل سه‌ر ئاستێ پێشكه‌فتیان بۆ هه‌لبژارتیێ ئیراقێ سه‌ربه‌ست عه‌بدوللا شیا میدالیا زیڤی د قاره‌مانیا نێڤده‌وله‌تیTouring Championshiده‌ستڤه بینت ئه‌وا لڤێ دووماهیێ باژێرێ ته‌بریزا ئیرانێ ب پشكداریا باشترین هه‌لبژارتیێن كێشوه‌رێ ئۆرۆپا، ئه‌فریقیا و ئاسیا هاتیه ئه‌نجامدان، هه‌روه‌سان وه‌هبی سلێمان ل سه‌ر ئاستێ یانێن عه‌ره‌بی شیا ل رێزا سێیێ بهێت و میدالیا برۆنزی ده‌ستخوه‌ڤه بینت د هه‌ڤڕكیێن واندا ئه‌وا ل وه‌لاتێ سوریا هاتیه كرن، هه‌روه‌سان د قاره‌مانیا نێڤده‌وله‌تی یا ئیرانێ بۆ شێوازێ تۆرینگ كو دهێته هژمارتن پله‌داریا وێ 2.1 سه‌ر ئاستێ جیهانێ سه‌ربه‌ست عه‌بدوللا، به‌ره‌ڤان قاسم و نه‌وزاد مسته‌فا پشكداربوون، سه‌ربه‌ست عه‌بدوللا شیا بۆ ئۆلمپی یێ دویێ بهێت كو ئه‌ڤه جارا ئێكێ یه ئیراقی ڤێ ئه‌نجامی بینت.
دیسان ناڤهاتی گۆت: ب ڤان ئه‌نجامان یاریزانێن مه د تۆمارا ئێكه‌تیا نێڤده‌وله‌تی و ئاسیایی دا وه‌كو یاریزانێن پیشه‌كار و پله‌داری هاتینه دیاركرن، له‌وما ئه‌ڤه ده‌ستكه‌فته چو كێمتر نینه ژ ده‌ستكه‌فتێن یاریێن دی یێن ورزشی لێ هیڤییا مه ئه‌وه پارێزگارێ دهۆكێ د. عه‌لی ته‌ته‌ر و حوكمه‌تا هه‌رێمێ خوه لڤان قاره‌مانا بكه‌نه خودان ژبه‌ركو دشیان دایه بناڤێ هه‌لبژارتیێ كوردستانێ ژی پشكداری قاره‌مانیێن نێڤده‌وله‌تی بن.
