تاقیگەهەکا نۆشداری یا نوو ل دهۆک هاتە ڤەکرن
ئه‌ڤرۆ نیوز ، نه‌وزاد هلۆرى:
ب به‌رهه‌ڤبوونا پارێزگارێ دهۆكێ و سه‌رۆكێ زانكویا دهۆكێ و چه‌ند نوژداره‌كان ، ئه‌ڤرۆ تاقیگه‌ها نۆشداری یا میدیا مدلات یا كوردى – ئوردنى ل دهوكێ هاته ڤه‌كرن.
ل گوره‌ى راگه‌هاندنا پارێزگه‌ها دهوكێ كو دانه‌یه‌ك بو ئه‌ڤرۆ نیوز هنارتیه ، ئه‌ڤرۆ ب به‌رهه‌ڤبوونا فه‌رهاد ئه‌ترۆشى پارێزگارێ دهۆكێ و موسلح دهۆكى سه‌رۆكێ زانكویا دهۆكێ و چه‌ند نوشداره‌كان ، تاقیگه‌ها نۆشداری یا میدیا مدلات یا كوردى – ئوردنى ل نێزیك نه‌خۆشخانا شیلان یا تایبه‌ت ل سه‌نته‌رێ باژێرێ دهوكێ هاته ڤه‌كرن )
پارێزگارێ دهۆكێ د چارچوڤێ ڤه‌كرنا ئه‌وێ تاقیگه‌هێ دا گۆت: (پیروزباهیێ وده‌ست خوشی ل گروپێ نۆشداری یا كوردی – ئوردنی دكه‌ین بو ڤه‌كرنا ئه‌ڤێ تاقیگه‌هێ ودخوازین كو وه‌لاتی مفایی ژێ وه‌ربگرن و تاقیگه‌ه ژى ب بهایه‌كێ گونجاى خزمه‌تا نه‌خوشان بكه‌ت)
دهێته زانین كو تاقیگه‌ها میدیا مدلات پروژه‌كێ وه‌به‌رهێنانێ یێ نۆشداریێ هه‌ڤپشكه دناڤبه‌را كوردستان و ئوردنێ ، و دبیته 40 مین تاقیگه‌ه لسه‌ر ئاستێ جیهانێ و چاره‌مین تاقیگه‌ه لسه‌ر ئاستێ هه‌رێما كوردستانێ كو ب شێوه‌یێ گرۆپى دهێته‌ڤه‌كرن و پشكنینێن وێ ل هه‌موو جیهانێ باوه‌رپێكرینه و ژلایێ ئایس وكاپ هاتینه په‌سه‌ندكرن كو ل دوڤ ستانده‌رێن ئه‌ورپی و ئه‌مریكی خزمه‌تان پێشكێش دكه‌ت و بهایێن پشكنینان ل دوڤ پێڤه‌رێن وه‌زاره‌تا ساخله‌میا هه‌رێما كوردستانێ دێ هێنه وه‌رگرتن و سه‌رپه‌رشتیا پشكنینان ژى دێ ژلایێ سێ نۆشدارێن ئوردنی و كوردی یێن تایبه‌تمه‌ند دێ هێته‌كرن.
