تالیبان دێ شه‌ڕێ ب وه‌كاله‌ت بۆ ئه‌مریكا كت!
شڤان سالم گولى
دیاره ئێك ژ مژارێن هه‌ری گه‌رم ل سه‌ر ئه‌كرانێن راگه‌هاندنان و گۆتوبێژێن شرۆڤه‌كارێن سیاسی پرسا ڤه‌كێشانا هێزێن ئه‌مریكایه ژ ئه‌فغانستانێ و چۆلكرنا مه‌یدانێ بۆ تالیبانان،كو د ڤێ ناڤبه‌رێ دا به‌رده‌وام ئه‌م دیده‌ڤانێن ڤه‌گرتنا ئاخا ئه‌فغانستانێ نه ژ لایێ وان ڤه و لاواز بوون و ڤه‌كێشانا هێزێن سه‌ر ب ده‌ستهه‌لاتێ ڤه، دیاره ئه‌ڤێ پرسێ سه‌رنج و تێروانینێن جودا جودا بخوه‌ڤه گرتنه و هه‌ر ئێك ب جۆره‌كێ رایا خوه ل دۆر ڤێ ڤه‌كێشانا ئه‌مریكا ژ ئه‌فغانستانێ دكت، هنده‌ك ب خیانه‌ت ل حكومه‌ت و گه‌لێ ئه‌فغانێ و هنده‌ك ب شكه‌ستن ژ ده‌ستێ تالیبانان پێناس دكن، یا من دڤێت سه‌رنجێ بده‌مێ ئه‌وه كو پێدڤیه هه‌موو ئالیه‌ك بزانت ئه‌مریكا ولاته‌ك لیبراله و سیاسه‌ت و ستراتیجیه‌تا وێ یا هه‌ری گرنگ خوه گونجاندنه د گه‌ل به‌رژه‌وه‌ندیان، هه‌ر ده‌ما به‌رژوه‌ندیا وێ خواست كریارا خوه نه ب شكه‌ست دزانت و نه‌ژی ب خیانه‌ت و ب دیتنا من ئه‌ها ئه‌ڤه‌یه ئه‌مریكا كریه ولاتێ ژماره ئێك ل سه‌ر ئاستێ جیهانێ، گه‌ریان ل دویڤ به‌رژوه‌ندیێ، دبیت ئه‌ڤه ژی پرسه‌ك بت گه‌لۆ ئه‌مریكا چ به‌رژوه‌ندیه‌ك دێ ژ ڤه‌كێشانا هێزێن خوه ژ ئه‌فغانستانێ هه‌بت؟ كو پرسه‌كا د جهێ خوه دایه، ب من ئه‌گه‌ر هنده‌ك سه‌رنجا خوه بێخین ل سه‌ر سیاسه‌ت و پێگه‌ها ئیرانێ ل هه‌ر ئێك ژ وه‌لاتێن كو ئه‌مریكا هه‌بوونا خوه لێ هه‌یی وه‌ك ئیراق، سووریا، یه‌مه‌ن، بگره لوبنانێ ژێ، ئیران ل هه‌موو ڤان وه‌لاتان ب بڕیاره ژدل ژی به‌ر ده‌ستوپیێن ئه‌مریكا باش به‌رته‌نگ كرینه، ب شێوه‌ك وه‌سا كو ئه‌مریكا هه‌ست ب مه‌ترسیه‌كا مه‌زن ل ڤان ولاتان دكت یا ئه‌مریكا نه‌ڤێت رویێ بده‌ت شه‌ڕێ راسته‌راست د ناڤبه‌را وێ و ئیرانێ دا چونكی ئه‌ڤ شه‌ڕه دوور نینه ئاكامێن وێ كارڤه‌دان ل سه‌ر ئاستێ جیهانێ هه‌بن ب تایبه‌ت ژی ل ئاست چین و رۆسیا، و د ڤی شه‌ڕی دا دبیت ئه‌نجام ب دلێ ئه‌مریكا نه‌بن، له‌وما ژی ب من ڤه‌كێشانا ئه‌مریكا ژ ئه‌فغانستانێ دبیت لێگه‌ریانه‌ك یان ڤه‌دیتنا ئه‌لترناتیفێ شه‌ڕێ راسته‌راستێ د ناڤبه‌را ئه‌مریكا و ئیرانێ دا بت ئه‌و ژی ل سه‌ر ده‌ستێ تالیبانان وه‌ك بزاڤه‌كا سوننه مه‌زهه‌ب و توندره‌ر ل دژی ئیرانێ بكاربینت و ب تایبه‌ت د رێیا پشته‌ڤانیكرنێ بۆ بزاڤێن به‌لۆچان ل ئیرانێ، ب من مه‌به‌ستا سه‌ره‌كی یا ئه‌مریكا ژ ڤێ دێ په‌یداكرنا فشارێن سه‌ربازی ژ لایێ تالیبانانڤه بت ل رۆژهه‌لاتێ ئیرانێ ب مه‌به‌ستا لاواز كرنا وێ ل رۆژ ئاڤایی ئیرانێ ئانكو ئیراق و سووریا و لوبنان و یه‌مه‌ن، ل سه‌ر ڤی بنیات و تێگه‌هی دبیت د پاشه‌رۆژێ دا شه‌ڕێ ب وه‌كاله‌تێ د ناڤبه‌را ئیرانێ و تالیبان دا (ئه‌فغانستانێ) چاڤه‌ڕێ كری بت.
