تام و خۆشی یا دژیانا پێشمەرگایەتیێ دا من دیتی چو جاران وێ ژبیرناكـەم
دیدار، سالار محەمەد دۆسكی:
5-5
پێشمەرگێ شۆرەشا 26ی گولانا پێشكەفتن خواز، فەهیم عەبدۆللا حەمو، بەحسێ روودانا بریندار بوونا خوە دكەت و گۆت: ل رەبیا سەرێ گرێ گەرماڤا ل شەڤا 22-23/11/ سالا 1987ێ بریندار بووم و بریندار بوونا من چیرۆكەكا جودایە و 36 رۆژا ب پیا و ب وی چاڤێ بریندار ڤە مە بەفر شەقاندیە و بەرەف ئیرانێ چوویمە، روومانە ب ناڤ مە كەفت و چەمیام (شاكر زێوەی) بەرا من كەفت، چەمیام دا وی راكەم ئارپێچی كەفت، بابەتێ نوژداران بابەتەكێ سەربەخۆیە و دەرچوویەكێ پزیشكی پەیوەندی ب مە نەكر كو خزمەتا شۆرەشێ بكەت و ئەگەر دەرچوویەكی پەیوەندی ژی كربیت دەربازبوویە چوویە ئەورپا، لایێ ئێكەتیێ پزیشكا پەیوەندی پێ كر، مەنترین جەراح و دختورێ مە (ئەدیب بادی) بوو ئەو ژی پەیوەندی ب ئێكەتی و د.(شڤان ئاكرەیی) بوو پەیوەندی ب ئێكەتیێ كر و ئەم ماینە ب هیڤیا برین پێچان ڤە.
فەهیم عەبدوللا حەمو پێشمەرگەیێ شۆرەشا گولانا پێشكەفتن خواز ئەو ژی گۆت: دەمێ ئەم ل خولا كادرا تاقیكرنا پراكتیكی هەبوو و هەر كەسەكی 10 خولەك دانێ كو بچیت بابەتەكی بنڤیست وی دەمی سەركردایەتی یا حزبێ هەمی سەرپەرشت و مامۆستایێن خولێ بوون و ئەز چوووم من گۆتێ من چ بابەت بۆ تاقیكرنێ نینن و تاقیكرن بوومن نەخەمە و من بخوە ب دەلیڤە دیت بابەتەكێ گرنگتر ل وی جهی ئازرینم و تایبەت دەمێ من دیتی سەركردایەتی یا پارتی دیموكراتی كوردستان هەمی یا بەرهەڤ بووی و من گۆتێ رۆلێ هەر دو رێكخراوێن ئێكەتیا قوتابیان و لاوان گەلەكێ گرنگە و رۆلێ وان ژ گەلەك پارتێن سیاسی گرنكترە و ئەڤ 10 سالە ئەم نەشیاینە شەرعەیتێ بدەینێ داخواز دكەم كونگرەك یان كونفرانسەكی بۆ گرێدەیین و شەرعیەتێ بدەینێ و پلان و بەرنامەكێ نوو بۆ بهێتەدارێتن ل گەل قوناغا ئەڤرۆ ب گونجیت و من گۆتێ پتریا كادرێن نوكە یێن پارتی دەرچوویێن ئەڤان رێكخراوا بووینە، ئێكی گۆت كاودان ناخوازن ئەڤ كارە بهێتە ئەنجامدان، من گۆتێ بوو ل شۆرەشا ئیلۆنێ هەمان كاودان هەبوون و هەر چەند سالا جارەكێ كونگرە و كونفراسێن خوە ئەنجامداینە و من گۆتێ ئەڤ من داخازە هەیە و من (96)وەرگرت، ب شەڤ من سكرتێرێ حزبێ كاك (عەلی) دیت و من گۆتێ و جەنابێ وی گۆت ئەم درازینە و مە گەنگەشە ل سەر بابەتی كریە و بابەتی ل گەل كاك (عزەدین بەرواری) گەنگەشێ بكەن و ئەم چووینە گەل ئاخفتین 31/8/1986 مە كونگرە ل (خنێرەی) ئەنجامدا و ئەو هەر دو رێكخراو كرنە ئێك و دەمێ ئەنجامدانا كونگرەی جەنابێ سەرۆك (مەسعود بارزانی) ب رێ ڤە بوو و بەرەف بەهدینان دهات و هێشتا ب رێ ڤە بوومە برۆسكەەك هنارت ب هەلكەفتا ئەنجامدانا كونگرێن هەر دو رێكخراوێن لاوان و قوتابیان، ل دور بۆچی فەهیمی خوە نەهەلبژارت، ناڤبری گۆت: دەمێ چووین بۆ ئەنجامدانا كونگرەی مخابن هەڤركیەكا مەزن دناڤبەرا هەر دو رێكخراو دا هەبوو و گەلەك خەلك دێ هێت و هەمی لقێن پارتی پشكدارن و ئەم گەلەك هاتینێ ب چ رەنگا نێزیكی ئێك نەبوون وی دەمی گەلەك پەشێمان بووم و من گۆتە خوە ئەڤە چ ماندیبوون بوو من كری وی دەمی دلێ من صار بوو و یێ بهیڤی بووم خوە ب هەلبژێرم و من ڤیانەكا زێدە بۆ رۆلێ قوتابیان هەبوو و كاك (خالد توفیق) ژی گەلەك هاریكاریا من كر و مە رێكەفتن كربوو كو كاك (سمكو ئامێدی) بكەینە سكرتێرێ هەر دو رێكخراوێن لاوان و قوتابیان و هەر دو رێكخراو بهێنە لێكدان و ببنە ئێك و رێژەكا ئەندامێن مەكتەبا تەنفیزی دێ ژ مەبیت چونكە ئەم ژ هەمیان رێكخستی تربووین و ئەو سێ رۆژا سێ ررۆژێن گەلەك خوش بوون دژیانا مە یا خەباتێ دا، نێزیكی (80) ئەنداما هەبوون ژ هەر دو رەگەزان و قەصفەكا مەزن یا فرۆكێن توركی ل سەر گوند و هاتن و چوونا مە هەبوو و ئەم چووینە راژان و دەلیڤەكا باش بوو مە دروست بوو و مە خودێ ژێ رازی (ئدریس بارزانی) دیت و ئەو شەش هەیڤ بوو ئەم ل خولێ بووین و مە نەدیت بوو ل دەرڤە بوو و گەلەك رێزگرتن ل مە گرتن و هەمی قوتابی و لاوان چووینە راژان، كاك فەرەنس گۆت سوبە كونگرە دەف مەیە و ئەم ب ترۆمبێلا چووینە (شنو) و فەرەنس گۆت دێ خارنێ بەین و كانیەكا خوش هەیە و دێ خارنێ ل وێرێ خوین و ئەم چووینە هنداف كانیێ راوستیان و 30 مەتران ئاخ بوو و ئاخەكا تەنك یا سەر یا شدیایی چوو و فەرنس چوو خوار بەرار هەمیان و تەحسی ب دو بەرێن مەزن كەفت و ئەم بلەز چووینێ و خوینا پێڤە دهێتە خوار و هندەك هاریكاریێن بلەز مە بۆ ئەنجامدان و رۆژا دووێ گەهشتە مە و ئەم ل سنورێ لقێ دو بوو و گەهشتە مە وی دەمی شنی كاسێتا شڤان پەروەر (غەیدوكێ) گەهشت بوو، گەهشتینە قوناغا هەلبژارتنان یا مەكتەبا تەنفیزی و بێ بەرنامە هەڤالێن مە ناڤێن خوە نڤێسین و خوە هەلبژارت و (9) یێن ئێكەتیا قوتابیان دەركەفتن و یێ دەهێ (رزگار كێستەی) بوو و ماینە پێڤە كو تەنازلێ بكەت و ب وێ مەرەمێ دا ئێكێ لاوان ژی دناڤ دا هەبیت و مەڤیا سكرتێرێ ئێكەتیا لاوان ژی بهێتە دناف لیستا هەلبژارتیان دا كاك (حەسەن شەبیبە) كاك (رزكار كەمەكی) گۆت تنازلێ ناكەم و نەچاربووین پشكێ پاڤێژینێ و كاك (رزگار ) دەركەت و هەر هەمی بوونە ئەندامێن ئێكەتیا قوتابیێن كوردستانێ پێك هاتبوون ژ (سمكو ئامێدی، ئەحمەد مەلا قاسم، تەیار گەرماڤی، براهیم مستەفا، ئحسان ئامێدی) و چەند هەڤالێن دی و هەر هەمی ژ ئێكەتیا قوتابیان بوون و ئەڤە ژ ئەنجامێ وێ هەڤركیێ بوو یا دناڤبەرا هەر دو رێكخراوان دا و هەمان دەم روودانەكا مێژووی بوو و مە شەرعیەت دا رێكخراوێن پیشەی و بەرنامەكێ جان و باش هاتەدارێتن و تێگەهشتنە دناڤبەرا هەمی یان دا دروست بوو.
ل دووماهیێ، فەهیم عەبدوللا حەمو، پێشمەرگەیێ شۆرەشا گولانا پێشكەفتن خواز گۆت: گەلەك یا گرنگە پارتی دیموكراتی كوردستان ب رژدی چاف خشاندنەكێ ل رێكخستنێن ناڤخویی دا بكەت و ژێ بهێنە جوداكرن و ئەڤە قەهرەمانێن بەرزەنە، هەر هەڤالەكێ بشێت بیرەوەریێن خوە بنڤیست ئەڤە پارچەك ژ مێژوویا مە بۆ داهاتی دێ ڤەكولین و نامێن ماستەر و دكتورایێ ل سەر ئەڤان روودانان هێنە دروستكرن، لەوما بێژم هەر پێزانینەك گەلەك یا گرنگە بهێتە تۆماركرن، ئەم مللەتەك بووینە دبیاڤێ دوكومێنتكرنێ دا گەلەك لاواز بووینە و مە حەژێ نەكریە و گەلەك راستی بەرزەبووینە و نەهاتینە تۆماركرن.
