تانیا سیامه‌ند: ل رادیۆیێ ئه‌م وه‌كو خوشك ره‌فتارێ ل گه‌ل هه‌ڤدۆ دكه‌ین
هه‌ولێر، شاكر ئه‌تروشی:
تانیا سیامه‌ند ئوسمان، پێشكیشكار ل رادیۆیا هێلین، د ددیداره‌كێ دا بۆ رۆژناما ئه‌ڤرۆ دیاركر كو ئه‌ڤه نێزیكی سێ سالانه ئه‌و وه‌ك بێژه‌رو پێشكێشكار و مۆنتێر و ده‌رهێنه‌ر ل وێ رادیۆیێ كاردكه‌ت و رێڤه‌به‌را به‌رێ یا رادیۆیێ (نه‌رمین سندی) و یا نوكه (شه‌یما مسته‌فا) پشته‌ڤانێن بهێز بووینه بۆ به‌رده‌وامی دان ب كارێ وێ، هه‌روه‌سا ل ده‌ستپێكا هاتنا وێ بۆ وێ رادیۆیێ ماموستا (دلێر سه‌لیم) گه‌له‌ك هاریكاریا وێ كریه.
تانیایێ گۆت: به‌ری چه‌ندین سالان حه‌زا كاركرنێ د بۆارێ راگه‌هاندنێ ل ده‌ف من په‌یدا بوو، پشتی ده‌لیڤه بۆ من هاتمه رادیۆیا هێلین كو سه‌ر ب ئێكه‌تیا ئافره‌تێن كوردستانێ یه ڤه، ده‌ست ب كاربووم، نوكه گه‌له‌ك ب كارێ خوه یا دلخۆش و ئارامم، ب تایبه‌ت ل گه‌ل رێڤه‌به‌را رادیۆیێ، هه‌روه‌سا هه‌ردو هه‌ڤال و هه‌ڤیشه‌یێن خوه یێن رادیۆیێ (ئانیا و دالیا) كو وه‌كو خوشك ئه‌م ره‌فتارێ ل گه‌ل هه‌ڤدۆ دكه‌ین.
ناڤهاتی، كو نوكه قوتابیه ل پولا دوازدێ ئاماده‌یی، ل دووماهیێ گۆت: ئه‌ز دێ به‌رده‌وامیێ ب خواندنا خوه ده‌م د بۆارێ راگه‌هاندنێ و گه‌له‌ك داخبارم ب مه‌دیاكارا چه‌له‌نگ (سیما) یێ كو ل تۆرا مه‌دیایا رووداو كاردكه‌ت، ژبلی راگه‌هاندنێ من حه‌زا خواندنێ ب تایبه‌ت ژی رۆمانێ هه‌یه، هه‌روه‌سا حه‌زژ وه‌رزشێ ژی دكه‌م و دخوازم ببمه راهێنه‌را وه‌رزشی.
