تاها عه‌بدولحه‌كیم: سه‌ركه‌ڤتنا ل سه‌ر مینا گیانێ هه‌ڤڕكیێ ڤه‌گه‌ڕاند
ئه‌ڤرۆ،عه‌لی حاجی:
د داخویانیه‌كێ دا رێڤه‌به‌رێ تیما ته‌پا پێی یا زاخۆ ئه‌وا پشكدار د خولا نایابا ئێراقێ بۆ رۆژناما ئه‌ڤرۆ دیاركر سه‌ركه‌ڤتنا وان ل سه‌ر مینا گیانێ هه‌ڤڕكیێ ڤه‌گه‌ڕاند و گڤاشتن لسه‌ر تیمێ كێمتر لێكر.
زێده‌تر ته‌ها عه‌بدولحه‌كیم گۆت: سه‌ركه‌ڤتنا تیما وان هه‌مبه‌ری مینا ئێك ژ گرنگترین ئه‌نجامان بوو ژبه‌ركو مینا ژ تیمێن جه‌ماوه‌ری یه و ئه‌و گڤاشتنێن ل سه‌ر تیما مه ژی هه‌ین ب سه‌ركه‌ڤتنێ كێم بووینه و گیانێ هه‌ڤڕكیێ ڤه‌گه‌ڕاند لێ راوه‌ستیانا خولێ دبه‌رژه‌وه‌ندیا مه دا نینه ژبه‌ركو مه باشترین شێوه خوه به‌رهه‌ڤكریه و لدووڤ پلانه‌كا دروست برێڤه‌دچیت، دبیت مفایێ وێ ب تنێ ڤه‌گه‌ڕیانا دو یاریزانێن مه ژ هنگاڤتنێ بیت لێ راوه‌ستیانا خولێ دێ ژ روویێ ماددی ژی زێده‌تر كارتێكرنێ كه‌ت .
ناڤهاتی ئه‌وچه‌نده ژی گۆت: هه‌تا نوكه چو هاریكاری ل گه‌ل مه نه‌هاتینه كرن و جه‌ماوه‌ر ژی دبێژیت هه‌كه كارگێری نه‌شێت پاره‌ی په‌یدابكه‌ت دڤێت ده‌ست ژ كاربكێشیت له‌ورا فه‌ره حكومه‌ت پشته‌ڤانیێ ل تیما مه بكه‌ت، زێده‌تر 14 یانێن پشكدار د خولێ دا رێژا مه‌زن مه‌زاختنا دارایی ل تیمێن خوه كرینه به‌روڤاژی زاخۆ كو كێمتر خه‌رچكرینه له‌ورا پێدڤی یه پشته‌ڤانی بهێته كرن دا گڤاشتنا جه‌ماوه‌ری سه‌ر مه كێم ببیت.