تاهر کۆچەر: ھەتا پێنچ دەمژمێران بێ راوەستیان دشێم سترانا خەمۆکی بێژم
تاھر کۆچەر، سترانبێژێ کوچکو دیوانا د دیدارەکێ دا بۆ بەرپەرێ ھونەری یێ رۆژناما ئەڤرۆ گۆت: سترانا فلکلۆری یا کوچکو دیوانا بۆ من گەلەک یا خۆەشە دەمێ دبێژم، چونکو گرێدای سەربورو سەرھاتیێن باب و باپیرانە و گەلەک مفای ژێ دبینم ب تایبەتی دەمێ ل دیوانا کەسێن مەزن دروینمە خارێ و ستران و سەرھاتی و گوتنێت مەزنان دبێژم کەیفا ئەوان گەلەک ب من دھێت و گوھداریا گەلەک سترانبێژان دکەم یێن کوچکو دیوانان،وەکو خەلیل باکوزی و شوکری رێکانی و گەلەکێن بەلێ ھەکە کلیپەکێ چێکەم دێ ل گەل سترانبێژ ھوشەنگ نێروەی بیت، چونکو وەکو من گەنجە و دەنگێ مە ل گەل ئێک دگونجیت و د ھەموو کاروباران ژی دا ل گەل من ھاریکاربوویە و ھەتا نوکە ژی.
ھەروەسا گۆت:گەلەگک داخازی ژمن دھێتەکرن سترانا ل دەوات و شەڤ خەنا و سوبەحیکا بێژم، بەلێ ژبەرکو خودان کارەکێ دی ژی مە نەشێم ھەموو دەمان بێژم و دستران گۆتنێ دا گەلەک حەزژ سترانا خەموکی و یا شەران دکەم و دشێم ھەتا پێنچ دەمژمێرا بێ کو ب راوەستم سترانا خەموکی بێژم .
ل دووماھیێ گۆتژی: دخوازم ژ جھێن پەیوەندی دار ئەوە دوڤچوونا گەنجان بکەن و مە گەلەک گەنج ھەنە خودان دەنکەکێ خوشین و دبەرزەنە و دبیت کاودانێن ئەوان یێن مادی نە دخوشبن و نەشێن بەھرەیا خوە دیاربکەن، یان جھەک تایبەت بۆ سترانبێژێن فلکلۆری و کوچکو دیوانان بھێتە ڤەکرن و ھەموو ل وی جھی کوم ڤە بم سترانا بێژن وەسا دێ گەلەک مفای ژ ئێک و دوو بینن.
