تاوانێن سکسی یێن ب سەرێ کچ و ژنێن ئێزدی دێ بە پرتووک
ئەڤرۆ نیوز، کاروان باعەدری:
کۆڤان خانکی مامۆستایەکی زانینگەھێ یە بۆ ئەڤرۆ نیوز دیارکر، ئەز مژوولی چێکرنا پرتووکەکێ مە ل سەر وان تاوانێن سکسی یێن بەرامبەر کچ و ژنێن کوردێن ئیزدی ئەوێن د دەستێ داعش دا.
گۆتژی: “ھەروەسان ئەڤ پرتووکە دێ ب سێ زمانا ھێتە بەلاڤکرن (کوردی و عەرەبی و ئینگلیزی) “.
ئاماژە ب وێ چەندێ ژی کر کو ل گەل زمانێ کوردی و ب پیتێن لاتینی ژی ئەوژی ب دەھان دیداران پێک دھێت ل گەل وان کچان کرینە و بەحس ل زۆریلێکرنا وان ژ لایێ سکسی ڤە کریە.
ل گۆرەی ھزرا ڤی مامۆستای “کوشتن و خرابکرنا مالا و تالانکرنا مالێ خەلکی نابنە جینوساید چونکی ل عیراقێ و سوریا ھەر ھەیە بەلێ تاوانین سکسی پالدەرەکێ ب ھێزن بۆ جینوسایدێ”.
