تاڤیێن خه‌ما
عه‌بدولرحمان خشخاشی
ژ ناڤ جه‌رگێ چیایێن من
ئاگر و ئاسن ژێ دپه‌شن
هه‌ر رۆژ
خوینا گه‌نجێن ڤی واری
وه‌ك جۆبارا لێ درشن
لڤێ ئاخێ
پڕی مار و گورگێن ده‌ف به‌شن
ناهێلن ئه‌و هیڤیێن د سنگێ مه دا
بپشكڤن
ل وارێ من
گه‌له‌ك رۆژ لێ دبنه تازی و
خه‌م وه‌كی تاڤیا ژێ دكه‌ڤن
ئاخ!!
ژ جه‌رگێ وێ دایكا
ڕۆندكێن خوینێ
دبارینیت
ژ وان ئاخینكێن
دلا دقرقچینیت
ژ وان كه‌له‌ژانێن
جه‌رگێ بابا دكوزرینیت
ئه‌ی خودا
خوینا شه‌هیدێن مه
بۆ ئارمانجا مه بمه‌ینه
برینێن ڤی واری
تو پێ بكه‌وینه
به‌ری بمرین
سه‌رێ نه‌حه‌ز و نه‌یارا
تو بچه‌مینه
14/6/2021
