تایبەتمەندیەکا نوو بۆ کامیرا فێسبووکێ هاتە زێدەکرن
ئەڤرۆ نیۆز،تۆڤی:
کۆمپانیا فێسبووکی تایبەتمەندیەکا نوو بۆ کامیرا تۆرا کۆمەلایەتی یا فێسبووکێ زێدەکریە.
مالپەرێن تەکنۆلۆژی یێن جیھانی بەلاڤکرینە کو دوهی کۆمپانیا فێسبووکی تایبەتمەندییا دروستکرنا وێنێ جولاندنێ (GIF) بۆ کامیرا فەیسبووک زێدەکریە.
هەروەسا بۆ هندێ کو تۆ وێنەیەکێ جولاندنێ دروست بکەی،بتنێ پێدڤیە تۆ ل دەستپێکێ کامیرا فێسبووکێ ڤەکەی،پاشی ل بەشێ سەری یێ شاشەی دا دو بژاردە هاتینە نڤێسین،کو ئەوژی پێکهاتینە ژ: (Normal) – (GIF، پێدڤیە بژاردەیا دویێ (GIF) ھەلبژێری و وێنەیەکێ جولاندنێ دروست بکەی.
بۆ ب دەستڤەئینانا ڤێ خزمەتگوزاریا نوو یا فێسبووکی،بتنێ پێدڤیە تۆ پرۆگرامێ دناڤ مۆبایلا خوە دا نوو (Update) بکەی.
نوکە فێسبووکی ل سەرانسەری جیھانێ دا ب کارھێنەرەکێ زۆر ھەیە، ھەروەسا ب ئێکەمین تۆرا کۆمەلایەتی دهێتە دانان،دیسان بەرپرسێن کۆمپانیا فێسبووکی ژی، بەردەوام خزمەتگوزاریێن ب مفا بۆ تۆرێن خوە زێدە دکەن.