تایكواندویا ئافرهتێن دهۆك گهشبینم ههڤڕكیێ بۆ ناسناڤی بكهن
ئهڤرۆ، زنار زوبێر:
شاندێ تیما تایكواندویا یانا ئافرهتێن دهۆك یا وهرزشی گههشته باژێرێ بهغدا پێخهمهت پشكداری كرن د قارهمانیا ئیراقێ یا تایكواندو كچان دا ئهوا بریاره ئهڤرۆ رۆژا دوشهمبی دهسپێبكهن.
د داخویانیهكێ دا ئهحمهد محهمهد راهێنهرێ تایكواندویا ئافرهتێن دهۆك بۆ رۆژناما ئهڤرۆ گۆت: تیما مه ب یازده یاریزانان ل سهر كێشێن جودا دێ ل سهر ئاستێ تازهپێگههشتیان و لاوان پشكداری قارهمانیا ئیراقێ بن و دوهی وان كومبوونا هونهری دگهل ههموو یانێن ئیراقێ ئهنجام دایه و چاڤهرێ دكهین ب ئهنجامێن باش ژ ڤێ قارهمانیێ ڤهگهرین لێ ئهڤچهنده یا ب ساناهی نابیت ژ بهركو ههڤركی دێ گهلهكا بهێز بیت و سهركهفتیێن ئێكێ دێ بۆ ههلبژارتیێ ئیراقێ یێ كچان هێنه ههلبژارتن دیسان ئهڤه دێ بیته تاقیكرنا ئێكێ بۆ ههموو یاریزانێن مه ژ بهركو بهری نوكه پشكداری د چو قارهمانیێن فهرمی ل سهر ئاستێ ئیراقێ نهكرینه.
ناڤهاتی ل دووماهیێ ئهو چهنده دیاركر كارگێریا یانا ئافرهتێن دهۆكێ ب ههموو شیانان پشتهڤانیا وان كریه بۆ پشكداریێ و ههر تشتهكێ پێدڤی بۆ تیمێ دابین كریه پێخهمهت ب ئهنجامێن باش ژ ڤێ قارهمانیێ ڤهگهرین.