تایكواندۆیا گارە دێ شەڕی بۆ ڕێزێن پێشیێ د قارەمانییا ئیراقێ دا كەت
د دخویانیەكێ دا یونس عەبدوللا ڕاهێنەرێ تیما تایكواندۆیا یانەیا گارە یا وەرزشی بۆ رۆژنامەیا ئەڤرۆ دیاركر د نوكە دا ئەو یێ بەرهەڤییا بۆ قارەمانییا ئیراقێ ل سەر ئاستێ پێشكەڤتیان دكەن و هیڤییا وان ب دەستڤە ئینانا ڕێزێن پێشیێ یە، ئەوا بڕیارە هەڤڕكیێن وێ دێ سێشەمبییا بهێت باژێرێ كەركۆكێ مێڤاندارییا وێ كەت.
زێدەتر ناڤهاتی گۆت: ئەڤ قارەمانییە دبیتە ئێكەم چالاكییا وەرزێ ئەڤ سالە بۆ و دێ ب شێوازێ ڤەكریب بیت ئانكو هەر یانەیەك مافێ هەیی پشكداربیت و مەرەم ژی ئەوە ژ بۆ ژێگرتنا ئەوان یاریزانێن ڕێزێن ئێكێ و دویێ ل سەر كێشێن خوە یێن جودا بهێت ئێكسەر دێ بۆ ناڤ ڕێزێن هەلبژارتیێ ئیر اقی یێ پێشكەڤتییان هێنە داخوازكرن پێخەمەت بەرهەڤی بۆ قارەمانیێن دەرڤە یێن ئاسیا و عەرەبی.
یونس عەبدوللایی گۆت ژی: داهاتێ یانەیا گارە گەلەك یێ كێمە و مەزاختی ژی گەلەكن و هیڤیا من ژ حكومەتێ و جهێن پەیوەندی دار ئەوە خوە ل ئەڤێ یانەیێ بكەنە خودان و مە قارەمانێن خۆدان شیان هەنە و وەكو یانەیا گارە ژی لدووڤ داهاتێ خوە یێ كێم چو جاران تەخسیری نەكریە و هیڤیا من ئەوە پتر چاڤدانا ئەڤان یاریزان و یاریان بكەن، چونكو ئەڤ یاریە ژی كمی یاریا فوتبۆلێ و باسكتبولێ نیە و ئەڤە ژی یاریەكا جەنگی یە و سالانە قارەمانێن باش ژئەڤێ یاریێ دەردكەڤن، هیڤییا مە ئەوە بشێن ڕێزبەندیێن باش ب دەستڤە بینن.
