تایوان دبیته مه‌یدانا شه‌ڕێ ئه‌مریكا و چینێ
ب، سه‌رجان مه‌حمود:
وه‌زاره‌تا به‌رگریێ یا تایوانێ د داخۆیانیه‌كێ دا راگه‌هاند كو چین ئاماده‌كاریان بۆ داگیركرنا وه‌لاتێ وان دكه‌ت و ئاشكرا كر هێزین سه‌ربازی یێن چینێ فرۆكه و گه‌میێن شه‌ری یێن وان دۆرپێچ كرینه، ئه‌ڤ دو مه‌هن ده‌وله‌تا چینێ ل ده‌وروبه‌رێ تایوانێ مانۆرێن سه‌ربازی ئه‌نجام دده‌ت و ب فرۆكێن شه‌ڕێ و گه‌میان سنورێن ئاڤی یێن تایوانێ ده‌رباز دكه‌ت و د هه‌مان ده‌می دا هژماره‌ك زێده سه‌ربازێن خوه ل سنورێ وه‌لاتێ وان بجه كریه.
هه‌ر د ڤێ مژارێ دا وه‌زاره‌تا به‌رگریێ یا چینێ ژی راگه‌هاند كو ئه‌مریكا و ناتۆ ب بزاڤێن خوه یێن ل تایوانێ دخوازن شه‌ره‌كی نوو دروست بكه‌ن و ئارمانجا سه‌ره‌كی یا ئه‌مریكا و ناتۆ ژی بۆ هندێ یه دا چینێ لاواز بكه‌ن، ئه‌و یه‌ك ژی ب چو ره‌نگه‌كێ ناهێته قه‌بوول كرن.
چاڤدێرێن سیاسی ژی دیار دكه‌ن كو داخۆیانیێن به‌رپرسێن ئه‌مریكا و چینێ نیشا دده‌ن كو ره‌وش ل تایوانێ رۆژ ب رۆژێ ئالۆزتر لێ دهێت و هه‌كه ره‌وش وه‌سا به‌رده‌وام بیت تایوان دێ بیته مه‌یدانا شه‌رێ ئه‌مریكا و چینێ.
