ترامپی بڕیارا ئێرشا ل سەر ئیرانێ دایە
دەزگەهێن راگەهاندنا ئەمریکا دیار دکەن، دۆنالد ترامپێ سەرۆکێ ئەمریکا بریارا ئێرشا ل سەر ئیرانێ دایە و دهێتە چاڤەرێکرن د دەمەکێ نێزیک دا هێزێن ئەمریکا ل گۆر پلانا کو هاتیە دانان ئێرشی ئیرانێ بکەن.
دەزگەهێن راگەهاندنا ئەمریکا دیار دکەن، ئەمریکا بەری نها دووماهی هۆشداری دایە ئیرانێ و دیار کریە دڤێت ئیران سێ داخوازیێن سەرەکی یێن ئەمریکا قەبوول بکەت کو ئەو ژی ژناڤبرنا بەرنامەیێ ئەتۆمی، ژناڤبرنا بەرنامێ موشەکی و هلوەشاندنا هەموو گرۆپێن چەکدار یێن سەر ب ئیرانێ ل رۆژهەلاتا ناڤین و ئیرانێ ژی داخوازیا ئەمریکا رەت کریە و ژ بەر ڤێ یەکێ ژی ترامپی بریارا ئێرشا ل سەر ئیرانێ دایە و بەرپرسێن ئیرانێ ژی باش دزانن دێ ئەمریکا ئێرش کەت و ئیران ژی دبێژیت ئەو د ئامادەباشیێ دانە.
