ترامپی بڕیارەکا بایدنی ل دۆر ئسرائیلێ هلوەشاند
بەرپرسەکێ وەزارەتا دەرڤە یا ئسرائیلێ دیار کریە، بەری نها ئیدارا جۆ بایدن رادەستکرنا پتر ژ دو هزار بۆمبێن مەزن بۆ ئسرائیلێ دابوو راگرتن، لێ ترامپی بریارا بایدنی هلوەشاندیە و دێ د دەمەکێ نێزیک دا ئەو بۆمب گەهنە ئسرائیلێ و بێگومان دێ د شەڕێ ل دژی دوژمێن ئسرائیلێ دا هێنە بکارئینان.
هەمان بەرپرسی ئەو یەک دیار کریە، نها قۆناغەکا نوو د ناڤبەرا ئسرائیلێ و ئەمریکا دا دەستپێکریە و ترامپ دێ ب هەموو رەنگەکێ پشتەڤانیێ ل ئسرائیلێ کەت و ژ بەر ڤێ یەکێ ژی دهێتە چاڤەرێکرن گەلەک رێککەفتنێن نوو د بیاڤێن سەربازی و سیاسی دا بهێنە ئیمزا کرن و ئسرائیل دێ ل سەر پرۆژەیێ خوە یێ بۆ رۆژهەلاتا ناڤین یا نوو کار کەت، دوژمنێن ئسرائیلێ ب هاتنا ترامپی دێ گەلەک لاوازتر لێ هێن و ئسرائیل دێ گەلەک بهێزتر ژ جاران کار بۆ بدەستڤەئینانا ئارمانجێن خوە کەت.
