ترامپ: دڤێت رۆسیا ژ ئاخا ئۆکرانیایێ دەرکەڤیت
سەرۆکێ ئەمریکا دۆنالد ترامپ ل گەل سەرۆکێ ئۆکرانیایێ زیلێنسکی کۆمبوو و پشتی کۆمبوونێ ژی ترامپی راگەهاند وی بەری نها ژی هۆشداری داینە پوتینی کو شەڕی ب دووماهی بینیت، مخابن پوتین گوهداریا وی نەکر و بەردەوامی دا شەڕی و نها ژی رەوش گەلەک ئالۆز بوویە.
ترامپی ئەو یەک ژی دیار کر، دڤێت هەموو وەلاتێن ئێکەتیا ئۆرۆپا پەترۆلێ ژ رۆسیا نەکڕن و وەلاتی ب توندی سزا بدەن، هەروەسا نابیت هێزێن ناتۆ رێ بدەن چو فرۆکەیێن سەربازی یێن رۆسیا دەربازی ئاخا ناتۆ ببن، هەکە تشتەک وەسا روو دا دڤێت بەرسڤا رۆسیا بهێتە دان.
سەرۆکێ ئەمریکا دیار کر، ئەو پشتەڤانیێ ل ئۆکرانیایێ دکەت و رۆسیا نەچارە ژ هەموو ئاخا ئۆکرانیایێ دەرکەڤیت، دڤێت رۆسیا دەست ژ ئێرشێن خوە بەردەت و هەموو هێزێن خوە ژ ئاخا ئۆکرانیایێ ڤەکێشیت، ئەو یەک د بەرژەوەندیا رۆسیا دایە، چونکی پوتین نەشێت بۆ دەمەکێ درێژ بەردەوامیێ بدەتە شەڕی.
