ترامپ: دێ شەڕێ رۆسیا و ئۆکرانیایێ ڕاگرم
دۆنالد ترامپێ سەرۆکێ ئەمریکا پشتی هەڤدیتنا ل گەل سەرۆکێ ئۆکرانیایێ و سەرکردەیێن چەندین وەلاتێن ئۆرۆپا دیار کر، هەڤدیتنا وی ل گەل پۆتینی گەلەک باش دەرباز بوویە و پۆتینی ژی دڤێت شەڕی راگریت و نها زیلێنسکی ژی هەمان هەلوەست هەیە و هەڤدیتنا وی ل گەل سەرکردەیێن هژمارەک ل وەلاتێن ئۆرۆپا ژی باش دەرباز بوو و ئەو ژی پشتەڤانیێ ل راگرتنا شەڕی دکەن.
ترامپی ئەو یەک ژی دیار کر، نها بەرهەڤی بۆ هەڤدیتنا زیلێنسکی و پۆتینی دهێنە کرن و پشتی هەڤدیتنا وان دێ هەڤدیتنەکا سێ قولی ژی د ناڤبەرا وی و پۆتینی و سەرۆکێ ئۆکرانیایێ دا هێتە کرن و وەسا دێ دووماهی ب شەڕی هێت و گۆت: (وەکو ئەمریکا ئەم دێ گەرەنتیا ئەمنی دەینە ئۆکرانیایێ و نابیت رۆسیا جارەکا دی ئێرشی ئۆکرانیایێ بکەت و دڤێت قووناغا ب قووناغ ژی ئاریشەیێن هەیی ب تەمامی بهێنە چارەسەرکرن).
