ترامپ: دێ چەکێ پێشکەفتی دەینە ئۆکرانیایێ
دۆنالد ترامپێ سەرۆکێ ئەمریکا دیار کر، وی هەتا نها گەلەک بزاڤ کرن دا کو پوتین شەڕێ ئۆکرانیایێ بدەتە راگرتن، لێ هەلوەستێ پوتینێ گەلەک خرابە و ڤێ دووماهیێ ژی رۆسیا دەست ب ئێرشێن دژوارتر ل دژی ئۆکرانیایێ کریە، وەکو ئەمریکا ئەو ل هەمبەر ئێرشێن رۆسیا بێدەنگ نامینن و ئەمریکا دێ سیستەمێ بەرگریێ یێ موشەکی دەتە ئۆکرانیایێ و هەروەسا ئەمریکا دێ هاریکاریێن خوە یێن بۆ ئۆکرانیایێ ژی زێدەتر کەت.
ترامپی بۆ دەزگەهێن راگەهاندنا ئەمریکا دیار کر، وی ٥٠ رۆژ دەلیڤە داینە رۆسیا دا ئێرشێن خوە راگریت و ل گەل ئۆکرانیایێ دانوستاندنان بکەت، هەکە هەتا وی دەمی رۆسیا شەڕی نەدەتە راگرتن دێ روودانێن گەلەک خراب روو دەن و ئەو یەک بۆ رۆسیا باش نابیت، وەکو ئەمریکا وان دڤێت رۆسیا ب جهێ شەڕی رێیا دانوستاندنان هەلبژێریت و پرسێن هەی دوور ژ شەڕی چارەسەر بکەت، ئێدی دڤێت پوتین بریارێ بدەت.
