ترامپ: نێزیکی رێککەفتنێ بووینە ل گەل ئیرانێ
دۆنالد ترامپ سەرۆکێ ئەمریکا سەبارەت ب دانوستاندنێن هەتا نها ل گەل ئیرانێ دیار کر، دانوستاندنێن ل گەل ئیرانێ هەتا نها ب رەنگەکێ باش بەردەوام دکەن و وەکو ئەمریکا وان دڤێت ل گەل ئیرانێ رێککەفتنەکا نوو ئیمزا بکەن دا وەسا بابەتێ بەرنامێ ئەتۆمی یێ ئیرانێ ب تەمامی بهێتە چارەسەرکرن.
ترامپی ئەو یەک ژی دیار کر، ئەو نێزیکی رێککەفتنێ بووینە و بێگومان رێککەفتنا ل گەل ئیرانێ دێ ئەنجامێ خوە یێ گەلەک باش بۆ وی وەلاتی هەبیت و گۆت: (مە دڤێت پرسا بەرنامێ ئەتۆمی یێ ئیرانێ ب رێیا دانوستاندنان چارەسەر بکەین، وەکو ئەمریکا مە نەڤێت ئێرشی ئیرانێ بکەین، لێ دڤێت ئیران ژی یا پێدڤی بکەت، چونکی هەکە رێککەفتن نەهێتە کرن دێ نەچار بین رێیا سەربازی بکار بینین، لێ هەتا نها هەموو تشت گەلەک باشن و ئەم هیڤیدارین د دەمەکێ نێزیک دا رێککەفتنا خوە ل گەل ئیرانێ راگەهینن و ئەو یەک د بەرژەوەندیا هەموو ئالیان دایە).
