ترامپ: پێدڤیە سەرۆکێ ئۆکرانیایێ جارەکا دی بهێتە ئەمریکا
دۆنالد ترامپ سەرۆکێ ئەمریکا دیار کر، ئۆکرانیا ب پێشنیازا ئەمریکا یا بۆ راگەهاندنا ئاگربەستێ ل گەل رۆسیا رازی بوویە و نها وەکو ئەمریکا ئەو چاڤەرێی بەرسڤا رۆسیا نە و دڤێت رۆسیا ژی یا رازی بیت، چونکی ئەمریکا یا رژدە شەڕێ ئۆکرانیایێ ب دووماهی بینیت و دڤێت رۆسیا ژی پێشنیازا ئەمریکا قەبوول بکەت.
سەرۆکێ ئەمریکا ئەو یەک ژی دیار کر، ئەو دێ داخواز ژ سەرۆکێ ئۆکرانیایێ کەت دا سەرەدانا ئەمریکا بکەت، بێگومان گەلەک گرنگە زیلێنسکی جارەکا دی سەرەدانا ئەمریکا بکەت دا ژ نێزیکڤە سەبارەت ب راگەهاندنا ئاگربەستێ و قۆناغێن دی دانوستاندنان بکەین، ژ بەر ڤێ یەکێ ژی ئەو هیڤیدارە زیلێنسکی داخوازا ئەمریکا قەبوول بکەت و د زووترین دەم دا سەرەدانا ئەمریکا بکەت.
چاڤدێرێن سیاسی ژی دیار دکەن، ئۆکرانیا نەچار بوو پێشنیازا ئەمریکا قەبوول بکەت، لێ هێشتا دیار نینە کا رۆسیا دێ ب پێشنیازا ئەمریکا یا بۆ راگەهاندنا ئاگربەستێ رازی بیت یان نە.
