ترسا جڤاكی كارتێكرن ل سەر پێشكەفتنا تاكی هەیە
پەروین سەلاح:
هەموو كەسان ترس و دو دلی ژ جڤاكی هەیە، هەر كەسەك دەمێ پێ ل یاسایەكا جڤاكی دانیت، دڤێت بەری هینگێ هزرا خو بكەت كو دێ تووشی فشارێن دەروونی و جڤاكی بیت، ئەڤجا پێدڤیە مرۆڤ سنورێن یاسایێن جڤاكی دەرباز نەكەت.
جڤاكناس هیوا كامیران بۆ رۆژناما ئەڤرۆ دیار كر كو جڤاكێ كوردی یێ پرە ژ رەوشت و تیتالان ئەڤ رەوشت و تیتالە دبنە یاسایێن جڤاكی و گۆت: (پێدڤیە مرۆڤ سنورێن یاسایێن جڤاكی دەرباز نەكەت، ژبەركو هەكە مرۆڤ ژ وی سنوری دەرباز بو جڤاك دێ ب توندی ل بەرامبەری مرۆڤی راوستیت و ئاخفتنێن نەخوش بێژیت).
هیوا دیار كر ژی كو هەر كەسەك دەمێ پێ ل یاسایەكا جڤاكی دانیت دڤێت بەری هینگێ هزرا خو بكەت كو دێ تووشی فشارێن دەروونی و جڤاكی بیت و گۆت: (هەكە تاكێ جڤاكی وەسا لێهات كو شەرم و ترس ژ چ تشتان نەما و پێنگاڤێن خو بەر ب ئارمانجەكێ بهاڤێژیت دێ ئاریشە و كارەساتێن مەزن د جڤاكی دا پەیدا بن ئەنجام نەدانا هندەك كاران ژ ترسا جڤاكی ئەگەرە جڤاكێ مە جڤاكەكێ ساخلەم بیت ئەم د هەموو گەنگەشا دا كەهشتینە وی ئە نجامی كو پێدڤیە ترس هەڤالێ مێشكی بیت، لێ ئەو ترسا دبیتە رێگر ل هەمبەر پێشكەفتنا مە دڤێت كونترول بكەین).
چارەسەركارێ دەروونی عەلی عەبدلقادر بۆ رۆژناما ئەڤرۆ دیار كر كو هەموو كەسان ترس و دو دلی هەیە، لێ هندەك كەس وەسا هاتینە پەروەردە كرن كو دڤێت ترسا جڤاكی لدەف هەبیت و گۆت: (نها جڤاكی ترس ژ هندەك تشتان هەیە ژ وان ژی لومە كرن گەلەك كەس هەنە ژبەر ڤێ چەندێ نەشێن گەلەك شولا بكەن یان نەشێن خۆ پێش بێخن ئەڤە ئێك ژ جۆرێن ترسا جڤاكیە دناڤ خەلكێ مەدا).
عەلی گۆتژی: (ترس وەكی هشیار بوونەكێ یە، پێدڤیە د هندەك دەما دا مە ترس هەبیت بتایبەت دەمێ كارەكی دكەین، داكو وی كاری ب درستی ئەنجام بدەین و سەربكەڤین، بەس ئەو ترس نەگەهیتە وێ چەندێ كو مروڤ وی كاری ژ دەست بدەت یان نەكەت).
ل دوماهیێ چارەسەركارێ دەروونی عەلی گۆت: (ئەم نەشێین بێژین ترس هەموو ژ كەتواریە گەلەك جاران ژلایێ دەمی بو مە دهێتن یان ژی كەتوارێ مە لدەف مە چێدكەتن، ڤان هەردوو فاكتەران كارتێكرن ل سەر ئێك یا هەی هەروەسان ترس وەلمە دكەتن ئەم بەردەوامیێ ب دەینە ژیانێ هەكە ترس نەبیت ئەم بەردەوامیێ نادەینە ژیانا خو و نەشێین خو پێش بێخین).
