ترومبێلێن بقست دێ بۆ ماموستايان هێنه دابين كرن
ئه‌ڤرۆ نيوز:
سه‌رۆكێ ئێكه‌تيا ماموستايێن كوردستانێ ب وه‌كاله‌ت دياركر وان پێنگاڤێن باش بۆ جێبه‌جێكرنا فروتنا ترومبێلێن بقست بۆ ماموستايان هاڤێتينه و نوكه مژوولى چه‌ند رێكه‌فتنا نه دگه‌ل كۆمپانيێن ترومبێلان.
ئه‌حمه‌د سابر زێده‌تر دياركر بابه‌تێ فروتنا ترومبێلێن بقست بۆ ماموستايان هه‌تا راده‌يه‌كێ باش كار ل سه‌ر هاتيه كرن لێ هێشتا وه‌كى وان دڤێت هێشتا بده‌ست ڤه نه‌هاتيه ژ به‌ركو ئه‌ڤ كاره يێ ب ساناهى نينه و پێدڤى ب كوژمه‌كێ مه‌زن يێ پاره‌يه ژلايێ بانكێ ڤه و بانك ژى ژلايێ خوه ڤه داخوازا فايده‌كێ زێده دكه‌ت به‌رامبه‌ر كوژمێ قه‌رى بۆ ماموستايان و ئه‌ڤ چه‌نده هێشتا ئێكلا نه‌بوويه و ژبه‌ركو ماموستايان ئه‌و شيان نينن بشێن فايده‌يه‌كێ زێده‌تر بده‌نه بانكێ لێ ل ماوێ بهێت ئه‌ڤ چه‌نده ژى چاره‌سه‌ر بيت.
ناڤهاتى ئه‌و چه‌نده ژى دياركر نوكه ئه‌و يێ گوتوبێژان دكه‌ن دگه‌ل چه‌ندين كومپانيێن ترومبێلان داكو هه‌ڤركيێ ناڤبه‌را وان دا دروست بكه‌ين و بشێن ب بهايه‌كێ گونجاى و ئه‌رزان بۆ ماوستايان ترومبێلان دابين بكه‌ين.
