ترومبێلێن تەكسی دێ ب یێن كارەبایی هێنە گوهۆڕین
هەرهین محەمەد:
عەقید ئازاد تاها، بەرپرسێ پەیوەندی و راگەهاندنێ ل رێڤەبەریا هاتنوچوونا پارێزگەها دهۆكێ بۆ رۆژناما ئەڤرۆ دیاركر، دەمەكە بڕیارا تۆماركرنا ترومبێلێن تەكسی كەڤتیە د وارێ بجهئینانێ دا، هەر كەسەكێ خودان ترومبێلەكا تەكسی بیت، دشێت تەكسیەكا مودرێن و هەڤژەرخ هایبرێت، ئانكو ترومبێلا ژ جۆرێ كەهرەبایی بخۆ بناڤ بكەت و ئەڤ چەندە دێ بێ بەلگە و رسومات و بێ بەرامبەر بیت، دیسا دشێت تابلۆیا ترومبێلا خۆیا كەڤن بێختە ترومبێلا نوو، دشێت ترومبێلا خۆ یا كەڤن ژی بێ بەرامبەر بكەتە تایبەت.
عەقید ئازاد تاها، بەرپرسێ پەیوەندی و راگەهاندنێ گۆت: «ئەو ترومبێلێن نوو بۆ ژینگەه و سەقایێ مە گەلەك د گونجاینە، ئەو كەسێن ترومبێلێن وان كەڤن ژی دشێن مفای ژ ئەڤێ ئەزموونێ ببینن و ببنە خودان ترومبێلەكا نوو».
گۆتژی: «رێژەیا تەكسیان ناهێتە زێدەكرن، هەر كەسەك یێ ئازادە ترومبێلا خوە یا تەكسی بگوهۆڕیت».
