ترۆمبێله‌ك ب ته‌مامى هاته سۆتن
ئه‌ڤرۆ نیۆز،زنار تۆڤى:
ل رۆژا شه‌مبى 1/7/2017 ژ ئه‌گه‌ره‌كێ ته‌كنیكى ئاگر به‌ر دبیته ترۆمبێله‌كا پیكاب ل نێزیك ناحیا باتێلێ و ترۆمبێل ب ته‌مامى دهێته سۆتن.
میلازمێ ئێكێ شڤان ئێحسان په‌یڤدارێ هاتنوچوونا ناڤ باژێرى ل دهوكێ بۆ ئه‌ڤرۆ نیۆز دیاركر:ل به‌رى نیڤرۆیا رۆژا شه‌مبى 1/7/2017 ل ده‌مژمێر 11:40 خۆله‌ك ب ئه‌گه‌ره‌كێ ته‌كنیكى ئاگر به‌ر دبیته ترۆمبێله‌كا پیكاب ژماره دهوك یا ره‌نگ سپى ل نێزیك ناحیا باتێلێ،كو خۆدانێ وێ (ش، م،ح) یه و گۆت ژى:دڤێ روودانێ دا ئه‌و ترۆمبێلا پیكاب ب ته‌مامى هاتیه سۆتن،لێ شۆفێرێ وێ ترۆمبێلێ یێ ب سلامه‌ته و چ زیانێن گیانى نه‌گه‌هشتینێ.
