ترۆمبێلێ پێشمەرگەک کوشت
ئەڤرۆ نیوز، قائید میرۆ:
ئەڤرۆ ژ ئەگەرێ روویدانەکا ھاتنوچوونێ ل نێزیک قەزا خەبات، پێشمەرگەیەکی گیانێ خوە ژ دەست دا.
رائید فازل حاجی، پەیڤدارێ پۆلیسێن ھاتن وچوونا ھەولێرێ بۆ ئەڤرۆ نیۆز راگەھاند” سپێدەھیا ئەڤرۆ ل سەر رێیا سەرەکیا ھەولێر بۆ قەزا خەبات، پێشمەرگەیەک مژۆلی پشکنینا ترۆمبێلا خوە یا جۆرێ گلاند بووی ترۆمبێلەکا بارھەلگر ب سەر ئەڤی پێشمەرگەی کەفتیەو دەم و دەست گیانێ خوە ژدەستدایە.
فازلی دیارکر، پشتی روویدانێ شوفێرێ تۆمەتبار خوە رادەستی ھێزێن پۆلیسانکریە و تەرمێ شوفێرێ پێشمەرگەی بۆ نۆشداریا داد ھاتیە ھنارتن و ڤەکۆلین د بەردەوامن لدۆر چێبوونا روویدانێ.
