ترۆمبێل و پالاوگەهێن نایاسایی ئەگەرێن پیسبوونا ژینگەهێنە
ئەڤرۆ، سولین سلێمان
پالاوگەهێن نەیاسایی و ترۆمبێل دو ئەگەرێن سەرەكیێن پیسبونا ژینگەهێنە ل دۆر پێزانینێن پەیڤدارێ دەستەیا ژینگەها هەرێما كوردسانیێ و گۆت: پشكەكا زۆرا پیسبوونا ژینگەها مە پەیوەندی ب ترۆمبێل و پالاوگەهێن نەیاسایی هەیە، ژ بەر كو ژ سەدێ 60 ی پیسبوونا هەوای پەیوەندی ب ترۆمبێلانڤە هەیە.
عەبدولرەزاق خەیلانی پەیڤدارێ دەستەیا ژینگەها هەرێما كوردستانێ بۆ رۆژناما ئەڤرۆ گۆت: ل سالا بوری ٥٤ پاڵاوگەهێن نەیاسایی هاتینە داخاستن، نابیت خودان پالاوگەهان پێگیری ب رێنماییان نەبن و نەیاسایی كار بكەن، وێ چەندێ كارتێكرنەكا زۆر پۆزەتیف ل سەر ژینگەها كوردستانێ هەیە، چونكی پشكەكا زۆرا پیسبوونا ژینگەها مە پەیوەندی ب ترۆمبێل و پالاوگەهێن نەیاسایی هەیە، ژ بەر كو ژ سەدێ 60 ی پیسبوونا هەوای پەیوەندی ب ترۆمبێلانڤە هەیە.
گۆت ژی: ژمارەكا زۆر یا ترۆمبێلان ل كوردستانێ هەنە، مە بەری نۆكە ژی داخوازا میترۆ و پاسان كریە، داكۆ بشێین هندەك ژی بیت ژینگەها مە پاقژتر لێبهێت.
كامەران سامی پسپۆری ژینگەهێ دەربارێ ڤێ چەندێ بۆ رۆژناما ئەڤرۆ گۆت: پیسبوونا باژێرێن كوردستانێ د پیسیێدا ژمارا ستاندەر یا شكاندی، ئەڤ چەندە ژی مەترسیەكا مەزنە بۆ هەرێما كوردستانێ، پێدڤیە ب زووترین دەم بهێتە چارەسەر كرن، رێژەیا كەسكاتیێ گەلەك پتر لێ بهێتە كرن، ژبەر زۆریا ترۆمبێلان و مۆلیدەیان ئەگەرەكێ دی یێن پیسبوونا ژینگەهێنە ژبەر دووكێلا وان كۆ كارتێكرنەكا راستەوخۆ ل سەر ژیانا مرۆڤان هەیە.
