تری و هنگڤینێ فەستیڤالێ ب دیاری هاتە بەلاڤكرن
شاكر ئەتروشی:
د فەستیڤالا تری و هنگڤینێ خۆمالی دا، ئەوا دوهی ل هولا فاملی مۆلا دهۆكێ هاتیە ڤەكرن، هەموو ئەو بەرهەم ژلایێ بەربژارێ پارتی دیمۆكراتی كوردستان بۆ خولا بهێت یا پەرلەمانێ ئیراقێ (بناس دۆسكی) هاتە كڕین و ب دیاری ل سەر بەرهەڤبووین فەستیڤالێ هاتە بەلاڤكرن.
بناس دۆسكی، د كۆنگرەیەكێ رۆژنامەڤانی دا گۆت: ئەڤە مە كری پشتەڤانیەكا بچووكە بۆ جۆتیارێن دەڤەرێ و بەرهەمێ وان یێ خۆمالی و مەرەما من ژ كڕینێ و بەلاڤكرنێ ئەو بوو ئەز پشتەڤانیا خوە بۆ جۆتیارێن دەڤەرێ دیاربكەم، چنكو د ئەڤ سالەدا رێژەیا بارانبارینێ گەلەكا كێم و زیان گەهشتە جۆتیاران و ئەز دبێژم نە بەس حكومەت، بەلكو سەرمایەدار و كەسێن پێچێبووی ژی فەرە هەر ئێك ژلایێ خوە ڤە ب هەر رەنگەكێ هەبیت پشتەڤانیا جۆتیارێن خوە بكەین، ژبۆ هندێ پروسەیا چاندنێ بەر ب پێشڤەبچیت و بەردەوام كەرتێ چاندنێ د پێشكەفتنێ دا بیت.
