ترەمپى دڤێت دربه‌كێ سه‌ربازى ل ئیرانێ بدەت
ئەڤرۆ نیوز:
سەرۆکێ ویلایەتێن ئیکگرتى یێن ئەمریکا ده‌ربارەی وەشاندنا دربه‌كێ سەربازی بۆ سەر ئیرانێ راوێژ ل گەل فەرماندە و بەرپرسێن وه‌لاتێ خوه كریه، بەلێ وان راوێژکاران ئه‌و رازیکریە کو چو بریارێن ژ وى ره‌نگى نه‌ده‌ت.
رۆژناما نیویۆرک تایمز د راپۆرته‌كێ دا به‌لاڤکریه، ل ڤێ هه‌یڤێ دۆنالد ترەمپ، ل گە بەرپرسێن کۆچكا سپی و پشكه‌كا فەرماندەیان کۆم بوویە و پرسا داوەشاندنا دربه‌كێ سەربازی بۆسەر دامەزراوەیێن ئەتۆمى یێن ئیرانی گوتۆبیژ كرینه.
دیار كریه ژى: گوتۆبێژێن پەیوه‌ندیدار ب دامەزراوەیێن ئەتۆمی یێن ئێرانى ژ وێ چه‌ندێ هاتن، پشکنه‌رێن نێڤدەولەتی دوپاتیێ ل هندێ دكه‌ن كو ئیرانێ رێژا پیتاندنا یۆرانیۆمی ب شێوەكێ بەرچاڤ بلند كریه، لێ بەرپرسێن ئەمریکی ئاستەنگێن بریارا گورزێ سەربازى بۆ ترەمپى روونکرینە.
هه‌ر چه‌نده هێشتا ترەمپ گوتۆبێژان ده‌رباره‌ى وەشاندنا گورزه‌كێ سه‌ربازى دكه‌ت وەکو کارڤه‌دانا زێده‌کرنا پیتاندنا یۆرانیۆمى، دناڤا وان ژى دا ئەگەرێ لێدانا وان گرۆپێن نێزیكى ئیرانێ ل ئیراقێ هه‌یه.