تزبی هاتنه قه‌تاندن
ماوێ چه‌ند سالان بوو ده‌سته‌یێن كارگێریا یانا دهوك وه‌كو ده‌ستێن تزبیان لێ هاتبوون ولێك گوهارتن بوون نه گوهورین بوون و ئه‌ڤان ده‌سته‌یێن هه‌نی هه‌كه نه ب حوكمێ كوژمێن مه‌زن یێن پاره‌ی با نه دشیان چو ده‌ستكه‌فت و ئه‌نجامێن هاتینه توماركرن ب ده‌ستڤه بینن، لێ ئه‌وا پاره دكه‌ت و ب ده‌ستڤه ئینا و د ناڤا مێژویا وه‌رزشا پارێزگه‌هێ دا توماركرن، به‌لێ ل به‌رامبه‌ر شه‌نگستێ ب خوه و ماندیبونا چه‌ند راهێنه‌رێن خه‌مخورێن وه‌رزشا پارێزگه‌ها دهوكێ هاتیه ئاڤاكرن ژلایێ دروستكرنا یاریكه‌ران ڤه هاته هه‌رفاندن و ژ ناڤبرن و هه‌كه ئه‌ف قه‌یرانا دارای و گوهورینێن ڤێ دووماهیێ یێن كارگێری نه‌بان ئه‌وا مای ژی ل ته‌نگاڤیێ پشتبه‌ستن ل سه‌ر هه‌تیه كرن دێ ل سه‌ر رێكا گه‌له‌ك جورێن دی یێن یاریان چیت ئه‌وێن ژ قاموسا وه‌رزشا پارێزگه‌هێ هاتینه ده‌رێ.
ده‌سته‌یه‌كا نوو هاته و سه‌ركه‌فتنێ بو دخوازین لێ نه ب تمامی ده‌سته‌یه‌كا نویه به‌لكو یێن كه‌ڤن ماینه د ناڤ دا و پێدڤیه ب تمامی ده‌سته بهێته نووكرن چونكو ئه‌وێن ل ماوێ چه‌ند سالێن بوری و هه‌تا دوهی نه‌شیاین چو بكه‌ن و ل یانێ زێده بكه‌ن، باوه‌ری نینه ل پاشه‌روژ و سالێن بهێن ژی چو به‌رهه‌م هه‌بیت ئه‌ڤجا ب نامه‌كا رێزگرتن هه‌كه ده‌لیڤێ ب ده‌نێ جهێن خو بو خوین گه‌رمه‌كێ دی چول بكه‌ن دێ باشتر بیت و دبیت شیانێن وان ل جهه‌كێ دی مفا ژێ بهێته وه‌ركرتن و من باوه‌ره هه‌كه سه‌روك و سكرتێرێن نوو هاتین هه‌كه نه د كونترولكری بن دێ شێن د ڤی بیاڤی دا هه‌بونا خوه دیار كه‌ن و ئومێده وارین ده‌سته‌یێن كارگێریێن یانێن دی یێن كه‌ساتیه‌تیێن سه‌ربازی و له‌شكه‌ری لێ كار دكه‌ن وه‌كو یانا دهوك ببنه یێن سێڤێل و تایبه‌تمه‌ند.
خالا ل دووماهیێ دخوازم ئاماژه پێ بكه‌م و چه‌ندین جاران ئه‌ف بابه‌ته هاتیه به‌حسكرن كارێ كارگێریێن یانا ب پلان و به‌رنامه بهێته كرن و ئه‌ف پلانه د ده‌می بن بو وه‌رزه‌كی دوان به‌لكو یێن درێژ خایه‌نبن و شه‌نگستێ وه‌رزشا پاشه‌روژێ ئاڤا بكه‌ن و ئارمانج نه ب ده‌ستڤه ئینانا ئه‌نجامان بن چونكو ب جه ئینانا ئارمانجان ده‌ستكه‌فتن و پاشترین گروڤه بو كاركرنا ب ڤی ره‌نگی ل ڤی وه‌رزی دیاربووی ده‌مێ باوه‌ری ب شیانێن كورێن پارێزگه‌هێ هاتیه دانان و خو پاراستن د هه‌ڤركیێن خولێن كوردستانێ و عیراقێ دا ل گه‌ل دروستكرنا یاریكه‌ران كو ژ ئیمزاكرنا هه‌ڤبه‌ستێن گران بها ب دوورگه‌ڤین دێ سه‌ركه‌فتنا هه‌را مه‌زنا هه‌ر ده‌سته‌یا كارگێریا یانا بیت و ل وی ده‌می كرنا هه‌ڤركیێ ژ سه‌ر ناسناڤان دێ خوه سه‌پینن و هیڤی خازین داخوازیێن چه‌ندین ساله دهێنه كرن ده‌سته‌یا نوو نه ب تنێ هزر تێدا بكه‌ن به‌لكو بكه‌ن كار و كریار و پروژێن وه‌به‌رهێنانێ ل سه‌ر ئه‌ردێ یانێ بهێنه دروستكرن داكو ل ده‌مێ قه‌یرانا منه‌ت ب پشته‌ڤانیا حكومه‌تێ نه‌بیت به‌لكو ببنه هاریكار و داهاتی ژی و خالا دی یا گه‌له‌ك گرنگ ئه‌ف ده‌سته‌یه كار بكه‌ت و كه‌شه‌كێ دیموكراتی د یانێ دا دروست بكه‌ت ئه‌وژی ب دروستكرنا ده‌سته‌یا گشتی یا یانێ و په‌یداكرنا گیانێ هه‌ڤركیا كارگێری نه هه‌ر كارگێریه‌ك ب حه‌ز و ڤیانا خوه ده‌سته‌یا گشتی ب نڤێست و هه‌لبژێریت بو خه‌لكه‌كی ژی یا رون و ئاشكه‌را بیت ده‌مێ ئێك ژ ئه‌ندامان یان سه‌روك و جێگر و سكرتێرێن یانا ده‌ستان ژ كاری به‌رده‌ن ب ده‌نه وێ ده‌سته‌یێ نه وه‌كو نوكه كو یا روهن نینه ئه‌ف ده‌ست ژ كاركێشانه ل سه‌ر چو بنه‌ما دهێنه دان و بو كێ دهێنه پێشكێشكرن.
