تشتێ گرنگ د وێنه‌گریێ دا ره‌وشته پاشی داهێنان
دهۆك، هه‌رهین محه‌مه‌د:
وێنه‌گر(دلمان میكائیل) كو ئه‌ڤه هه‌شت سالن كارێ وێنه‌گریێ دكه‌ت، نوكه وێنه‌گره ل ئاژانسا خانی، د دیداره‌كێ دا بۆ رۆژناما ئه‌ڤرۆ دیاركر كو جوداهیه‌كا مه‌زن دناڤبه‌را وێنه‌گرێ ڤیدیۆیێ و یێ فوتۆگرافی دا هه‌یه و وێنه‌گرێ ڤیدیۆیێ دڤێت گه‌له‌ك جهان ڤیدیۆ كه‌ت هه‌تا كو ب شێت په‌یاما خوه بگه‌هینیت، به‌لێ وێنه‌گرێ فوتۆگرافی بتنێ وێنه‌كی دگریت و په‌یاما وی دگه‌هیت و وێنه‌گر دشێت هه‌ردو كاران بكه‌ت، به‌لێ دهه‌مان ده‌م دا هه‌ردو كار پێكڤه تشته‌كێ ب زه‌حمه‌ته بۆ وێنه‌گری.
دلمانی گۆت: تشتێ گرنگ د وێنه‌گریێ دا ره‌وشته، پاشی داهێنانێ دكارێ خوه دا بكه‌ت، و چاڤێ كامیرێ تشته‌كێ گرنگه دڤێت كه‌سێ وێنه‌گر هه‌بیت، وێنه‌گریێ كار دا من و هنده‌ك هزرێن نوو بۆ من چێكرن.
