تـاكـەگـەری و خـەفكا هشیاریـێ
ئــەحمەد كـورد
تاكگەری هەردەم یا د جیهانا هشیاریێدا ئەوە كو تو ببیە تاكەكەسەك ژ جڤاكی نەپشكەك ژێ و نە پشكەك ژ خێزانێ، پشكەك ژ هشیاریێ یا هەی ئەگەر تو خەلەت تێگەهشتی دێ ب تنێ دووماهیك هێی، ئەگەر تو خەلەت د پەیڤا ژ هەژیبوون گەهشتی دێ بیە كەسەكێ هشیار و مفای دێ ژێ بینی و گوه لێ ببی و هزر بكەی ئەڤ تشتە یان ئەڤ پێزانینە یا بۆ تە گونجایە یان نە، ئەگەر یا گونجای بیت رازی ببە و تۆ دێ زانی دێ چاوا رەفتارێ دگەل كەی دەمێ دچیە د ناڤ جیهانا هشیاریێ دا، تۆ دێ شیانێن خو یێن تاكەكەسی زانی كو ئەز هندەك مرۆڤان ببینم ژ من كێمترن و وان هندەك رەفتارێن خراب یێن هەین و پتریا وان د نە دشارەزانە دەمێ دچنە د ناڤ جیهانا هشیاریێ دا و ئاریشێن خێزانی یێن هەین دەمێ ژ خێزانێ جودا دبی خەلەتییە، دڤێت ژ جڤاكی و خەلكی جودا ببین.
تاكگەری ئەوە دەمێ ئەم هەمی تشتان دزانین بەلێ خۆ دویری خەلكی دكەین هەروەكی ئەم د جوداینە و پلەیەكێ خۆ بلندتر دكەین و وان نەزان و بێ مێشك ددانین، تو دزانی چێدبیت ئەو هندەك تشتان بزانن، بەلێ تشتێن دیاركری دزانن هەتا نوكە تو نزانی و پتریا خەلكی دەروونی یا هەی و دخەمگینن و ب تنێ نە، بتنێبوونا مرۆڤی بۆنەوەرەكێ جڤاكی یە یێ پێدڤی ب پشكداری كرنێ یە، ب تنێ بوون چ جاران چارەسەریەكا دروست نینە، نەبێژە ئەز بتنێ دشێم هەر تشتەكی د ژیانا خۆ دا بكەم نەخێر ئەم پێدڤی ب ئێكودوینە.
دێ چ كەین دا نەكەڤینە د رەوشا تاكە كەسی دا؟ پشكداری ل گەل مرۆڤان داخوازا هاریكاریێ. تاكەكەس هەردەم دبێژیت ئەز هەمی تشتان دزانم بتنێ مرۆڤێ هشیار گرنگیا پشكداریكرینێ دزانیت.
تاكگەری ئانكو من دیتنەك یا هەی و من دڤێت ل سەر هەمی كەسان بسەپینم و ڤان دیتنان بێخم سەر هەمیان و چونكی ئەز یێ جودامە و ژ تە باشترم، كەسێ سروشتی رێزێ ل تەجریبێن مرۆڤان دگریت، بەلێ تاكگەری ئانكو تو بتنی یێ درۆستی و تەجریبا تە دروستترە، ژ سیفاتێن تاكگەریێ بڕینا پەیوەندیانە و زویكا بۆرینە، هۆسا هزر دكەن ئەڤە تشتەكێ باشە و بۆ خۆ نەشێن ل گەل مرۆڤان بكەن كەنی، چونكی راستی و گرنگیا وان یا زانی، راستگۆی و ڤیانا وان بۆ وان ب خۆ واتایا وان ژ كەنیا ل گەل مرۆڤان دكەت، ئەڤە ژی تەلهەكا هشیاریێ یە ئەگەر تو ب ساناهی دەرگەهێ خۆ ڤەكەی و مرۆڤان ژ ژیانا خۆ دەربێخی تە ئاریشەك یا هەی، چونكی بتنێ هزرێن كەسێ بەرانبەر وەكی یێن من نینن بزانە دێ چاوا سنوورێن پەیوەندیان هێلی دا ببنە پەیوەندیەكا دروست و ساخلەم.
تو وەكی تاكەكەسەكێ جودای بەلێ هەمی كەس د جودانە ب كارەكێ دیاركری، ئەم تێبینی دكەین كو تاكەكەس ب خێزانێ یە بێی هشیاری بۆ نموونە باب ل گەل خێزانێ دژیت و تاكەكەسەكە ژێ بەلێ نە بەشەكە ژێ ئەگەر تۆ پشكەك بی ژ تشتەكی دێ تێكەل بی و ڕەنگدەی تەقەبولا هەمیان بكە ب تایبەت یا خێزانێ، بۆ نموونە ئەگەر تەمەنێ وان شێست سال بن ئانكو ژ تە پتر یێن ژیاین و ئەزموونێن وان د ژیانێ دا پترن، تو نەشێی وان بگوهۆڕی، چونكی دەمێ تە جودایە و كاودانێن تە جودانە و ئەو ژینگەها تو تێدا دژی یا جودایە؛ تو نزانی ئەو بارودۆخێن ئەو تێدا دژیان چاوا بوون و چاوا كاریگەری لێ كریە، هشیاریا درست مە دگەهینیتە نیازەكا باش و ڤیانا خەلكی و مە ژ هەڤبەركرنێ دووردكەت ئەز دێ ب هزرێن خۆ ژ مرۆڤان دویر كەڤم، بەلێ ئەز هزرێن خۆ ناكەمە چەك دژی وان، چێدبیت ڕۆژەك ژ ڕۆژان ئەز ببم خێزان و ژ خواندنێ و هشیاریێ راوەستم و ببمە ئەگەرێ سەدمەكێ (شوك) بۆ خێزانێ و شەری ل گەل بكەم ژبەر ڤێ چەندێ حەز ژ خۆ بكەن و هزرێن باش بەرانبەر خەلكی بكەن و پشكداریا وان بكەن د كۆمبوونێن وان دا و ب شێوەیەكێ بەردەوام خۆ ژێ نەدەنە پاش.
