تـه‌كنۆكراتا عـه‌بادی، ئـه‌وێ نـه‌ ته‌كنۆكرات !

ژ سالوخه‌تێن حوكمه‌تا ته‌كنوَكرات ئه‌وه‌ كو پێك دهێت ژ هنده‌ك كه‌سانێن ب سپوَر و شاره‌زا و خودان شیان د بوارێن جودا جودا دا و هه‌روه‌سا نـه‌ گرێدایی چ ئالیێن سیاسی یان مه‌زهه‌بی یان ده‌ستهه‌لاتداریێ بن وه‌كو ئه‌رك كو دهێنه‌ نیاسین ب كه‌سانێن ته‌كنوَكرات داكو بشێن ب شێوه‌یه‌كێ باشتر و جیاوازتـر روَلێ خوه‌ ب بینن ژ كه‌سانێن سیاسی ئه‌وێن بووینه‌ ئه‌گه‌رێ په‌یداكرنا هژماره‌كا كێشه‌ و گرفت و قه‌یرانان و هه‌موو كێش و گرفت هێلاینه‌ هه‌لاویستی ب تایبه‌تی كێشێن سیاسی و ئابووری و ئه‌منی وه‌ك ئـه‌و نموونا سیاسیێن عێراقی ئه‌وێن شاره‌زا و ب سپوَر بـتنێ د بوارێ دزیێ و گه‌نده‌لیی دا ! كو ب سیاسیێن ژ نشكه‌كی ڤه‌ ئانكو ( سیاسی الصدفه‌ ) دهێنه‌ نیاسین !
هه‌ر چه‌نده‌ حوكمه‌تێن ته‌كنوَكرات ب شێوه‌یه‌كێ گشتی دلاوازن چنك پشكه‌ك نینن ژ حزب و لایه‌نێن سیاسی یێن خودان ده‌ستهه‌لات و هێز و چه‌كدار كو پشته‌ڤانیا ئه‌وان بكه‌ن چنكو د دید و بوَچوونێن كه‌سانێن سیاسی دا حوكمه‌تا ته‌كنوَكرات ب حوكمه‌ته‌كا به‌روه‌خت دهێته‌ نیاسین له‌وما دهێته‌ پشت گوهـ ئێخستن و بتنێ ل ده‌مێ په‌یدابونا كێشه‌ و قه‌یرانێن سیاسی و ئابووری و ئه‌منی دهێنه‌ راگه‌هاندن و پێگیریێ ب بریارێن وان ناكه‌ن و بزاڤێ دكه‌ن نه‌خش و پلانێن وان بۆ چاره‌سه‌ركرنا قه‌یرانێن وه‌لات كه‌فتیێ، شكه‌ستنێ پێ بینن. ئه‌ڤروَ ل عێراقێ ژی پشتی شكه‌ستن و سه‌رنه‌كه‌فتنا هه‌موو حوكمه‌تێن سیاسی یێن ئێك ل دووڤ ئێك و ژوانا حوكمه‌تا عه‌بادی و بوَ باشتر كرنا ره‌وشا خوه‌ یا ئالوَز، پێنگاڤ یێن دهێنه‌ هاڤێتن بوَ دروست كرنا حوكمه‌ته‌كا ته‌كنوَكرات لێ یا ســه‌یر ئه‌وه‌ هه‌ر ئه‌وژی ب سه‌روَكاتیا حه‌یدر عه‌بادی بیت ئه‌وێ هه‌تا نوكه‌ ژی سه‌رب لایه‌نه‌كی سیاسی یێ دیار ڤه‌ و ئه‌ندامه‌تیا خوه‌ ژ حزبا ده‌عوه‌ نه‌ ڤه‌كێشایه‌ و هه‌ر مایه‌ وه‌ك سیاسیه‌ك كو ژلایێ هنده‌ك هه‌ڤالێن وی ڤه‌ دهاته‌ نیاسین ب سیاسیه‌كێ لاواز د ناڤا حزبا وی دا و مه‌رجێن ته‌كنوَكرات ل ده‌ف ب خوه‌ عه‌بادی نینن؛ هه‌روه‌سا باوه‌ریا خوه‌ ژی ژ ده‌ست دایه‌ چ ژلایێ لێڤه‌گه‌رێن شیعا یان ژلایێ زوَربه‌یا خه‌لكێ عێراقێ ڤه‌ كو ئه‌ڤه‌ نێزیكی ساله‌كێ یه‌ ب خوه‌پیشاندانین مه‌زن رادبن بوَ ب ده‌ست ئێخستنا هنده‌ك چاكسازیا و هه‌تا نوكه‌ چ چاكسازیی ژ لایێ عه‌بادی ڤه‌ ب ده‌ست وان ڤه‌ نه‌كه‌فتینه‌. له‌وما ب دیتنا من عه‌بادی یێ سه‌ركه‌فتی نابیت د ئه‌ڤێ كابینا نوو ژی دا ژبه‌ر ئه‌ڤان ئه‌گه‌رێن مه‌ ل سه‌ری دیار كرین و ژبلی سیته‌مێ عێراقا پشتی دكتاتۆریێ یێ هه‌ڤشكیا نیشتمانی یه‌ و تێكدانا ڤی سیسته‌می دێ خوه‌كوژیا سیاسیا عه‌بادی ڕاگه‌هینیت و هه‌روه‌سا ژبه‌ركو ئه‌ڤه‌ دێ بیته‌ ئێكه‌م حوكمه‌تا ته‌كنوَكرات دمێژووا عیراقێ دا دهێته‌ دروست كرن و د ناڤ ئه‌ڤان كاودانێن ســـه‌خت و پـری قه‌یراناوی دا.

کۆمێنتا تە