ته‌رمى وى هاته دیتن
ئه‌ڤرۆ نیوز ، سالار دۆسكى:
په‌یڤدارێ راگه‌هاندنا رێڤه‌به‌ریا به‌ره‌ڤانیا باژێرى ل زاخۆ ئاشكراكر كو دوهى پشتى نیڤرۆ تیمێن نقوڤانێن رێڤه‌به‌ریا باژێرڤانیا باژێرى ل زاخۆ شیان ته‌رمێ وى زارۆكێ 12 سالى ده‌ربێخن ژ خابیرێ زاخۆ و راده‌ستى پزیشكا داد بكه‌ن.
ئه‌ڤیندار عزه‌ت، په‌یڤدارێ به‌ره‌ڤانیا باژێرى ل زاخۆ زێده‌تر بۆ ئه‌ڤرۆ نیۆز گۆت: ئه‌ڤ زارۆیه ل نێزیك ئاشێ چه‌مى هاتبوو نقومكرن، تیمێن نقوڤانان شیان بینه ده‌ر و راده‌ستى نه‌خوشخانا داد ل زاخۆ بكه‌ن.
ئه‌ڤیندارى ئاشكراكر ژى كو ئه‌ڤ كوره 12 سالى بوو و خه‌لكێ قه‌زا زاخۆ بوویه، رۆژا شه‌مبى خه‌ندقیه و به‌رزه‌بوویه، ناڤبرى گۆتژى: د ماوێ بورى دا ئانكو ل شه‌ش هه‌یڤێن بورى ل ئه‌ڤ ساله‌دا ئه‌ڤه دبیته كه‌سێ حه‌فتێ ل خابیێ زاخۆ دخه‌ندقیت و پێنچ ژڤان حه‌فتان ئاواره‌بووینه و ب تنێ دو خه‌لكێ كوردستانێ بووینه.
