ته‌رمێ وه‌لاتيه‌كى د ئاڤێ دا هاته ديتن
ئه‌ڤرۆ نيوز:
ئه‌ڤرۆ ته‌رمێ گه‌نجه‌كى د رووبارێ گۆندێ شانده‌ر ل سنورێ قه‌زا مێرگه‌سۆر دا هاته ديتن.
د راگه‌هاندنه‌كێ دا كو رێڤه‌به‌ريا به‌ره‌ڤانيا باژێرى ل سوران ئاشكه‌را كر كو ئه‌ڤرۆ 27ى ته‌باخا 2018ێ ته‌رمێ وه‌لاتيه‌كى ب ناڤێ ئيبراهيم بێستۆن ره‌شيد يێ 17 سالى د ناڤ رووبارێ گۆندێ شانه‌ده‌ر يێ سه‌ر ب قه‌زا مێرگه‌سۆر ڤه هاته ديتن.
د راگه‌هانێ دا هاتيه: “ئه‌و وه‌لاتى خوه‌جهێ باژێرێ هه‌ولێرێ يه و قوتابيه ل گه‌ل خێزانا خوه ب مه‌ره‌ما گه‌شته‌كێ سه‌ره‌دانا سنورێ قه‌زا مێرگه‌سۆر كريه و د رووبارێ شانه‌ده‌ر دا خه‌ندقيه”.
رێڤه‌به‌ريا به‌ره‌ڤانيا باژێرى ل سۆران ئاماژه ب وێ چه‌ندێ ژى كريه كو ب بڕيارا دادوه‌رێ دادگه‌ها ده‌سپێكى يا مێرگه‌سۆر ته‌رمێ وى وه‌لاتى ره‌وانه‌يى نوشداريا داد ل هه‌ولێر هاتيه كرن.
