ته‌شیا تورینێ

جه‌مال به‌رواری

ئه‌رێ هۆ تورینێ

خه‌م هه‌لگرێ بارگرانێ

پشتا ته‌ شلبو ل ئه‌ڤراز و ژێله‌هیا

و رێكێن درێژ

خلفێن پارزینێ خه‌ما ڤه‌كه‌

ل پشتا خوه‌ دانه‌

داڤێن رۆژێ بگره‌ و به‌رنه‌ده‌

خوه‌ ل دۆر باده‌ و بله‌یزه‌

بكه‌ كه‌نی و بگڕنژه‌

هه‌می ئاوازا بێژه‌ ئاوازێن خه‌مێن ژمێژه‌

چاڤێن خوه‌ ڤه‌كه‌

ژ دلێ خه‌ما خواری سترانه‌ك نوو بێژه‌

داڤێن رۆژا تێر ماچیكه‌

ب ته‌شیا زراڤ  بكه‌ داڤ بكه‌ وه‌ریس

بۆ كاروانیا و رێكێن درێژ

پارزینێ خه‌ما دانه‌ پارزینك نوو ڤه‌چنه‌

ژ كه‌نیا زارۆكا و هیڤیێن مه‌م و زینا

ژ ئومێدێن مه‌ هه‌میا

سه‌ر و ژ نوو چێكه‌

کۆمێنتا تە