تهلهفزیۆنا دایك
مهحفوز مایى
ههرسال سێی گولانێ ڕۆژا ئازادیا ڕۆژنامهگهریێ یه، ههر د وێ ڕۆژێ دا و بهری 27 سالان ل دهۆكێ ئێكهمین كهنالێ تهلهفزیۆنی ب ناڤێ تهلهفزیۆنا (خهبات) هاته دانان. د ڤان ههمی سالان دا وی كهنالی كو پاشێ ناڤ گوهارت بوو تهلهفزیۆنا (دهۆك) كاروانهكێ درێژ د خزمهتا ڕۆشنبیری، هونهری، جڤاكی د خزمهتا كوردهواریێ دا بڕێڤهبره. د 27 سالیا دهۆك تیڤی دا سلاڤ و پیرۆزبایی ل ههمی وان خهباتكارێن كو ڕۆژهكێ ژی كار و خهبات د وی كهنالێ دایك دا كرنه. ب تایبهت سلاڤ و دهستخۆشیێ ل وان دلسۆژان دكهم كو حهتا نوكه سهرباری ههمی ئاستهنگ و كێماسیان و سهرباری ڤهبوونا كهنالێن پۆلدار وان تهركا دهۆك تیڤی نهكرن و ب مال و ههبوونا خوهڤه گرێدا.. ئهو نهچوون بۆ پارهیهك پتر خوه ل كهنالهك پۆلدار بحهوینن. ههر ئهو دلسۆژن حهتا نوكه نههێلایه ڕۆژهكێ ژی ژ خهباتێ ڕاوهستیت.. ههردهم د ناڤ كولان و مالێن بههدینیان دا بوو، د دهما شهڕ و هێرشان دا مل ب ملێ پێشمهرگهیان ڤهبوو، دهما جهژن و شاهیان دا سهرگۆڤهند بوو و د ناڤ كول كهسهرێن وان دا ژی ههڤپشك بوو، ههردهم تاكه كهنالێ تێركرنا گهنج و حهزژێكهرێن سپۆرتێ بوو. ههر ژ سهردهمێ كو چ پهیمانگهه و زانكۆ نهبوون كادران دروست بكهن دهۆك تیڤی مینا خواندنگهههكێ بوو كو گهلهك ژ وان كهچ و كوڕێن میدیاكار یێن نوكه ل سهر كهنالێن دی ڕۆلا خوه دبینن ئهو دهرچوویێن دهۆك تیڤی بوون. دهستخوهشیێ ل وه دكهم مخابن كو حهتا نوكه كهسهك ل ئاست وه خزمهتا وه نهكریه، ههردهم هوین خزمهتكار بوونه. هوون جهێ شانازیێ نه.. بلا هوون ههر ههبن.
