ته‌ڤه‌كا بارانێ ل گه‌ل ژمارێن (فحص نینوی)!
تنێ ته‌ڤه‌كا بارانێ بوو دوهی هاتی، پشتی كو چله و به‌چه و باران هاتین! رێك و جاده هاتنه گرتن و سرا پانزینی بوو ڕێز و هاتنه گرتن، گلۆپێن رۆناهیێ ب بانیڤه دیسا ڕه‌قسین و هزار قوسیرێن دی یێ گه‌ل مه دژین هه‌تا هه‌تایێ، ژبلی وێ ژیانا ئه‌م وه‌كی گورگێن باران دیتی لێكرین، ئه‌م دا كارین ڤێ زڤستانێ ژی وه‌كی ئه‌ڤێن چووی ده‌ربازكه‌ین، لێ ئه‌ڤ ساله وه‌كی هه‌ر سال نه‌بوو ژ هه‌می لایه‌ناڤه..
ترۆمبێلێن (فحص بغداد و نینوی) ئه‌ڤێن كه‌تینه سه‌ر ئاوتۆبانێن مه كو د هه‌لوه‌ریانه نه‌كارین د لافاو و ئاڤا ته‌نگیای ده‌ربازببن! رێ و جاده ل خه‌لكێ باژێری گرتن، ژ بلی ئه‌و دویكێلا ژ گزۆزێن وان ده‌ردكه‌ڤن به‌رامبه‌ری هزاره‌ها گزۆزێن ترۆمبێلێن نوونه! هاتو و چوویا دهوكێ چاوا سه‌ره‌ده‌ریا ڤان ترومبێلان دكه‌ت كو ل كامیرا له‌زاتیێ ده‌ن و سزایێ خوه ناده‌ن! ترومبێل بخوه ب دو وه‌ره‌قایه! و شۆفێرێ وێ قانوونا باژێرێ مه بنپێكر ژبه‌ركو نه‌زانه! چو به‌لگه ناسنامه ل گه‌لدا نینه پێ بهێنه نیاسین! نێ ئه‌م یێن دبینین و قانوونا دبێژیت نابیت ترومبێلا بێ چاڤیك و بێ خوه‌دیك و بێ مووله‌ت بهێنه هاژۆتن! دێ بته كه‌ڤیت و ته ل گه‌ل خوه كوژیت یان كه‌ته نیڤه مرۆڤ! ل چێ جهێن دونیایێ هۆسا نینه!
كۆمه‌لا باژێرێ دهۆكێ ب ڤی ره‌نگی پاشڤه‌چوو و پاشكه‌فت ب كێماتی 80 سالان! ژبه‌ركو هنده‌ك تایێن دی كه‌تنه ل گه‌ل كۆمه‌لێ دا، خه‌لكه‌كێ دی كه‌تنه د ناڤ مه دا و ئه‌مێ ل گه‌ل ئێك دژین و نه وه‌كی ئێك! ل هیڤیێ نه‌بن كه‌س ڤه‌گه‌ریت پێلێن ئاواران یێ مه دفه‌تسینن، ئه‌ڤه ژی ب ده‌ستێ حوكمه‌تێ بوو كو به‌ری بهێنه د باژێریدا جهێن تایبه‌ت بۆ ده‌ست نیشانكربانه! دا بارودۆخێ باژێرێ خوه تێكنه‌دابا! ژیانا خه‌لكی ژی به‌رته‌نگ نه‌كربا!
ئارێشه یێ چێدبن و دبیته باره‌كێ گران ل سه‌روه‌لاتیان، هه‌روه‌سا ل سه‌ر ده‌زگه‌هێن حوكمه‌تێ ژی! ئێدی قانوون ناچه‌سپیت هه‌مبه‌ری ڤی باری. ئه‌ڤ ئاواره بوونه خه‌لكێ باژێری و ناده‌ركه‌ڤن! ئه‌م دڤێت بگونجین ل گه‌ل وان!! یان ئه‌و بگه‌نجن گه‌ل مه!! ئه‌ڤ چه‌ندا هه‌نێ پێدڤی ب پلانه‌كا مه‌زنه كو وان مرۆڤان فێری قانوونا باژێری بكه‌ن و فێری سیسته‌مه‌كێ ژیانه‌كا نوو بكه‌ین دا بكارین پێكڤه بژین!..
شه‌ڕ یێ وێرانه،لێ ژیان ژی یا به‌رده‌وامه، دڤێن پلانه‌ك بۆ ژیانا باژێری بهێنه دانان هه‌كه خوه یا ده‌مكی ژی بیت دا ئارێشه په‌یدا نه‌بن.
ئه‌م دزانین یا ژ حكمێ پلانا چوویه ده‌ر، لێ هه‌ولدان ژی یا هه‌ی كو ڤان زارۆیان ژبن تاهێرێن ترۆمبێلا بینه ده‌ر ل سه‌ر جاده و ترافیكان! بلا پتاتا و باجانان ل سه‌ر رێیان نه فرۆشن و ببیته قه‌پانه هه‌ر موغداره‌كێ، ره‌وشا باژێری ئێدی مه نه‌ما، باژێرڤانی دڤێن چارا به‌ته كاودانێ جادا خوه!
ده‌مێ تێكه‌لا مرۆڤان د كومه‌لێدا دورست دبیت ئه‌نجام ل ده‌مه‌كێ نێزیك دیاردبن، هه‌كه ئه‌و كۆمه‌لا مرۆڤان یا پێشكه‌فتی بیت دێ پێشكه‌فتنێ دیاركه‌ت ل باژێری و ل ناڤ ملله‌تی، هه‌روه‌سا به‌روڤاژی.. . ئه‌ڤێن تێكهه‌لی مه بووین ئه‌ڤه بوون:
برایێن مه‌یێن عه‌رب، ئێزدی، باشۆرێ بچووك و. . ئه‌ڤان چ ل گه‌ل خوه هه‌یه كو كۆمه‌لا باژێری زه‌نگین بكه‌ت؟ پێشبێخیت؟ ئاینده‌كێ گه‌ش دورست بكه‌ت؟
ل هه‌می وه‌لاتێن جیهانێ هه‌ولده‌ن ژیانا كۆمه‌له‌ێن به‌ره‌ڤ قڕ بوونێ دچن بپارێزن جودا دا هه‌بوونا وان به‌رده‌وام بیت! نه‌ك تێكه‌لی كۆمه‌له‌كا ژوان مه‌زنتر بكه‌ن! بڤی ڕه‌نكی ئه‌م یێ وان دحه‌لینین دناڤ خوه‌دا ئه‌م چ باشیێ گه‌ل وان ناكه‌ین ئه‌و تڤێن ل ه‌ل ئێك و جودا بژین دا هه‌بوونا خوه ژده‌ست نه ده‌ن! كولتوور و ئاین و شێوه‌ێ ژیانا خوه تێكنه‌ده‌ن..
