ته دڤێت
خه‌لات محمد
گه‌له‌ك باش بم
باشیێ ل ته زێده كم
ئوه… ئوه…
ما كی دزانیت دسوژم؟!
ل په‌راسیا خوه دگڤێشم
دا ئاخینكێن من نه ده‌ركه‌ڤن
بۆچی ته دڤێت باش بم؟
ما ژبلی ته كی دزانیت
ل پشت په‌رده‌یا چاڤێن من
چه‌ند رۆندك هه‌نه؟
ئوه… ئوه…
دلێ من یێ بوویه به‌ره‌ك ره‌به‌ق
مویێن من یێن به‌فرین
به‌فرێ ل گه‌نجاتیا من دبارینن
ئه‌ڤه نابیته قه‌ده‌ر
ژیان نابیته هنگڤین
هه‌كه‌ر تو و عه‌شق ببن
دنیا و ئاخره‌ت
باغ و به‌هشت
هنگڤین و شرینی
ئێدی تام ل ته ناهێت
هه‌تا عه‌شق ژی
ل رویێ ته یێ دره‌وین ناهێت
بزانه كراس و گوستیر
ل به‌ژن و تلیێن ته
یێن سه‌رڤه سپی و
ژ ناڤ دا ره‌ش ناهێت
هه‌ر تشت ژ ته دهات
هه‌تا ناڤێ من ژی دگه‌ل ناڤێ ته
نوكه هه‌ر تشت ژ ته ناهێت
هه‌تا عه‌شق و ژیان ژی.
