توبا زانا: حه‌ز دكه‌م ل دهۆكێ سترانان بێژم
ئه‌ڤرۆ، هه‌رهین:
سترانبێژا باكوورێ كوردستانێ توبا زانا، د دیداره‌كێ دا بۆ به‌رپه‌رێ هونه‌ری یێ رۆژناما ئه‌ڤرۆ دبێژیت: نوكه ل باژێرێ ئه‌ده‌نا دژیم و نوكه ئه‌م دچینه ده‌واتان سترانا دبێژین و ل ده‌واتان هه‌موو جورێن سترانان دبێژین یێن ئه‌ڤینی و دایكێ و نه‌ته‌وه‌یی و ب بیك و زاڤان و هه‌ر سترانه‌كا ژمن بهێته داخوازكرن ل ده‌واتان دبێژم و ئه‌ڤه بۆ ده‌مێ نه‌ه سالان پتره سترانبێژا ده‌واتامه ل گه‌ل هه‌ڤاله‌كا خوه و ده‌وات ل هه‌رجهه‌كی بۆ مه بهێن ئه‌م دچین چ ل ئه‌زمیرێ و شه‌رنه‌خێ و ئه‌ده‌نێ و جزیرێ و سالحیێ هه‌ر جهه‌كێ هه‌بیت ئه‌م دچین و ئه‌م رۆژانێن خوه ل گه‌ل ده‌واتان دبوورینین، به‌لێ هه‌تا نوكه نه‌هاتیمه ده‌واتێن باشورو و گه‌له‌ك حه‌زدكه‌ین ل دهۆكێ ژی سترانا بێژین و هه‌كه داخازی بۆ مه ژ وێرێ بهێن ئه‌م دئاماده‌ینه سترانان ل ده‌واتان بێژین، یان پشكداری به‌رنامێن ته‌له‌ڤزیۆنی بن.
ل دۆرنووترین كارێ خوه یێ هونه‌ری توبایێ گۆت ژی: دبه‌رنامێ من دایه ل وه‌رزێ زڤستانێ كلیپه‌كێ یان دویا چێكه‌م و به‌لاڤ بكه‌م، چونكو ل وی وه‌رزی دیمه‌نێن سرۆشتی گه‌له‌ك دجوانن و كه‌ش و هه‌وا ژی خوه‌شتره.
ل دووماهیێ ناڤهاتیێ گۆت: ده‌واتێن باشوور و باكوور نه‌وه‌كو ئێكن یێن لایێ موشێ دبنه سه‌رحه‌دی و ل وێرێ ل ده‌مژمێر حه‌فتی شه‌ڤ ده‌ست ب ده‌واتێن خوه دكه‌ن هه‌تا كو ده‌مژمێر دوازده‌ی شه‌ڤ و رۆژه‌كێ خه‌نایێ دكه‌ن و رۆژا پاشتر ژنوی ده‌وانا خوه دكه‌ن، به‌لێ لایێ دیاربه‌كر پیچه‌كێ ب ساناهی تر و خوه‌شترن و ده‌واتێن مه ژی د نه‌رمن و نه‌رم ده‌واتێ دكه‌ن، ئانكو ده‌واتێن هه‌ر ده‌ڤه‌ره‌كێ جودانه ژ یێن ده‌ڤه‌رێن دی.
